अमरावती : अमरावती विभागीय शिक्षक मतदार संघाचे भाजपचे उमेदवार डॉ. नितीन रामदास धांडे यांच्याविरुद्ध रविवारी (ता. 22) रात्री आदर्श आचारसंहितेचे उल्लंघन केल्याप्रकरणी शहर कोतवाली पोलिस ठाण्यात गुन्हा दाखल झाला. त्यांनी हॉटेल मैफिल इनच्या रुबी हॉलमध्ये एक सभा घेतली होती. या सभेला राज्याचे विरोधी पक्षनेते देवेंद्र फडणवीस यांनी संबोधित केले.
आचारसंहिता लागू झाल्यानंतर कुठल्याही सभेसाठी जिल्हा प्रशासनाची परवानगी गरजेची असते. मात्र, त्यांनी सभेसाठी अधिकृत परवानगी न घेताच सभा घेतली. यावेळी देवेंद्र फडणवीस यांनी देखील या सभेला संबोधित केले. मात्र, डॉ. नितीन धांडेच सभेचे मुख्य आयोजक असल्याने त्यांच्यावर गुन्हा दाखल करण्यात आला. जिल्हाधिकाऱ्यांच्या आदेशाचे आयोजकांनी उल्लंघन केल्याचा त्यांच्यावर आरोप आहे. उपविभागीय अधिकारी रणजित बबनराव भोसले यांनी याप्रकरणी पोलिसात तक्रार नोंदवली.
हेही वाचा - अखेर शाळेतील घंटा वाजली, पण विद्यार्थी नगण्यच
महाविकास आघाडीचे उमेदवार प्रा. श्रीकांत देशपांडे यांनी देखील दोन दिवसांपूर्वी अधिकृत परवानगी न घेता सभा घेतली होती. त्यामुळे त्यांच्यावर देखील आचारसंहितेचे उल्लंघन केल्याप्रकरणी राजापेठ पोलिस ठाण्यात गुन्हा दाखल करण्यात आला होता.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.