पीकविमा कंपनीच्या मॅनेजरला मारहाण करणे सेनेला भोवले, संपर्क प्रमुख संतोष ढवळेंविरोधात गुन्हा दाखल

यवतमाळ : पीकविमा कंपनी इफको टोकियोच्या जनरल मॅनेजरला मारहाण केल्याप्रकरणी शिवसेनेचे यवतमाळ विधानसभा संपर्कप्रमुख संतोष ढवळे यांच्यावर शहर पोलिस ठाण्यात गुन्हे दाखल नोंदविण्यात आले आहेत. पोलिस उपनिरीक्षक दर्शन दीकोंडवार यांनी दिलेल्या तक्रारीवरून हे गुन्हे नोंदवण्यात आल्याची माहिती पोलिस सूत्रांनी दिली.

हेही वाचा - देशाची वाटचाल हुकमशाहीकडे; राज्याचे मंत्री विजय वडेट्टीवार यांची केंद्र सरकारवर टीका 

शेतकर्‍यांना पीकविम्याचा लाभ देण्यात आला नसल्याने खासदार भावना गवळी यांच्या नेतृत्वात सोमवारी (ता. 28) पीकविमा कंपनीच्या कार्यालयासमोर 'जवाब दो आंदोलन' करण्यात आले. शेतकर्‍यांना नुकसान भरपाई का देण्यात आली नाही? याचा जाब विचारण्यासाठी खासदार गवळी यांच्या नेतृत्वातील शिष्टमंडळ इफको टोकियो कंपनीच्या कार्यालयात गेले होते. चर्चा सुरू असतानाच यवतमाळ विधानसभेचे संपर्कप्रमुख संतोष ढवळे यांनी पीकविमा कंपनीचे अधिकारी सचिन सुरवसे यांच्या अंगावर सोयाबीनचे दाणे टाकले, तसेच त्यांना मारहाण केल्याची तक्रार पोलिस उपनिरीक्षक दर्शन दीकोंडवार यांनी यवतमाळ शहर पोलिस ठाण्यात दिली आहे. या तक्रारीवरून संतोष ढवळे यांच्याविरुद्ध गुन्हा नोंद करण्यात आला आहे.

हेही वाचा - हॉटेलमध्ये झालेला वाद कसाबसा झाला शांत; मात्र, घाबरलेला प्रकाश बेफाम धावत सुटला अन्