खारूताईने लावली तणसाच्या ढिगाऱ्याला आग; शेतकऱ्यांचे लाखोंचे नुकसान

चिमूर (जि. चंद्रपूर) : नगर परिषद क्षेत्रातील ठक्कर वॉर्डातील तणीस कॉलनी सोनेगाव (सिरास) मार्गावर रामेश्‍वर बापूनाथ भलमे यांच्या शेतात तणसांचे ढिगारे आहे. सायंकाळी चार वाजताच्या सुमारास ढिगाऱ्याच्या बाजूला असलेल्या वीजखांबावर खारूताई चढली. त्याचवेळी खांबावरील वीजतारांत शॉर्टसर्किट होऊन गवताने पेट घेतला.

चिमूर- सोनेगाव (सिरास) मार्गावर रामेश्‍वर भलमे यांचे शेत आहे. तणीसाचे ढिगाऱ्याला आग लागल्याच्या घटनेची माहिती परिसरातील नागरिकांना झाल्याबरोबर त्यांनी तिकडे धाव घेतली. मिळेल तसे आग विझविण्याचा प्रयत्न केला. आगीची माहिती नगर परिषदेला देण्यात आली. अग्नीशमन दलाकडून आग विझविण्याकरिता प्रयत्न करण्यात आले. मात्र, हवेमुळे पुन्हा आगीने भडका घेतला.

जाणून घ्या - याला म्हणतात विश्वास! सदस्यांनी नाकारले, पण गावकऱ्यांनी स्वीकारले अन् पद जाता-जाता वाचले

याची माहिती तहसीलदार डॉ. विजयकुमार सूर्यवंशी यांना देण्यात आली. तहसीलदारांनी नगर परिषदेच्या अधीक्षकांना सूचना देऊन पुन्हा अग्निशमन दलाच्या जादा गाड्या बोलविण्याचे निर्देश दिले. आग विझविण्यासाठी रात्रीपर्यंत पाच तास प्रयत्न करावे लागले.

प्रत्यक्षदर्शिनुसार खारूताई खांबावर चढून तारेवरून जात असताना शॉर्टसर्किट झाले. त्यामुळे स्पार्किंग होऊन त्याच्या तिडक्‍या तणसाच्या ढिगाऱ्यावर पडल्याने आग लागली. आगीत लाखो रुपयांचे नुकसान झाले.

अधिक माहितीसाठी - सून आणि नातवांनी काढलं घराबाहेर अखेर चिमुकल्यांनी 'तिला' दिला खांदा; उपस्थितांच्या डोळ्यांत पाणी

गुराच्या गोठ्याला भीषण आग लागली. त्यात शेतकऱ्यांची लाखो रुपयांची तूर, शेत पिकाला पाणी करण्याचे शंभर पाईप जळून खाक झाले. आगीने मोठी आर्थिक हानी झाली. लाखो रुपयांचे नुकसान झाले.