Yavatmal Accident: पालकमंत्री संजय राठोड यांची अशीही संवेदनशीलता; अपघातग्रस्त दाम्पत्यास मदतीचा हात, सोनखास ते लासीना दरम्यान अपघात

यवतमाळ : नेत्यांच्या वाहनांचा ताफा रस्त्याने कायम भरधाव जाणार, हे गृहीत असते. मात्र, संवेदना जपत प्रवास करणारे राजकीय नेते लाभले तर सर्वसामान्यांच्या सुख, दु:खात रात्री, अपरात्री ते धावून जातात. याचाच प्रत्यय शुक्रवारी (ता.१०) रात्री यवतमाळ-अमरावती मार्गावर पालकमंत्री संजय राठोड यांच्या मदतीमुळे एका अपघातग्रस्त दाम्पत्यास आला.