मोबाईलमुळे वाळूचोरीचा व्यवसाय जोरात; खबरी ठेवतात अधिकारी व कर्मचाऱ्यांवर लक्ष

धामणगावरेल्वे (जि. अमरावती) ः सरकारी यंत्रणेपेक्षाही कितीतरी पट जलदगतीने माफियांची यंत्रणा चालते. लोकेशनमुळे वाळूने भरलेली वाहने सुसाट धावतात. मोबाइलमुळे वाळूतस्करांचा अवैध धंदा अगदी सोयीस्कर बनला आहे. त्यांचे खबरीलाल' मोबाइलवर संवाद साधून अधिकारी व कर्मचारी या रस्त्याने येत असल्याची माहिती क्षणात पोहोचवितात. त्यामुळे अडथळा निर्माण होत नाही.

नक्की वाचा - अनेक दिवसांपासून बंद असलेल्या घराचं शेजाऱ्यांनी उघडलं दार; पलंगाजवळील दृश्य बघून भल्याभल्यांचा उडाला थरकाप 

वाहनांचा मार्ग बदलला जातो. बारकाईने लक्ष ठेवण्यासाठी पॉइंट नेमण्यात आले आहेत. त्याचप्रमाणे अनेक ठिकाणी माफियांचे चेले करडी नजर ठेवून असतात. याचा प्रत्यय मंगळवारला (ता. पाच) आला. जिल्हाधिकारी अमरावती, एनडीआरएफचे पथक उपविभागीय अधिकारी इब्राहीम चौधरी यांच्या नेतृत्वात पोहोचण्याच्या अगोदरच तालुक्‍यातील चिंचोली व विटाळा येथील वाळूघाटावरून जवळपास 25 बोटी सोडून मजूर व वाळूमाफियांनी पळ काढला.

अधिकाऱ्यांची अथवा पथकाची गाडी निघाल्यास तातडीने सर्व पॉइंटवर असलेल्या खबऱ्यांना लोकेशन कळते. हे वाहन कोणत्या रस्त्याने निघाले याची क्षणाक्षणाला माहिती पुरवली जाते. मोबाइलमुळे वाळू तस्करांचा अवैध धंदा अगदी सोयीस्कर बनला आहे. त्यांचे खबरीलाल मोबाइलवर संवाद साधून अधिकारी, कर्मचारी या रस्त्याने येत असल्याची माहिती क्षणात पोहोचवितात. त्यामुळे अडथळा निर्माण होत नाही.

जाणून घ्या - अखेर वाघीण आणि बछड्यांच्या मृत्यूचं रहस्य उलगडलं; शवविच्छेदनात पुढे आला धक्कादायक प्रकार

वाहनांचा मार्ग बदलला जातो. बारकाईने लक्ष ठेवण्यासाठी पॉइंट नेमण्यात आले आहेत. नदीपात्रातील विविध ठिकाणांहून वाळू उपसून वाहतूक केली जात आहे. आतापर्यंत हजारो ब्रांस वाळू माफियांनी आपल्या घशात घातली आहे. वाळूघाटांचे लिलाव करण्याची प्रक्रिया जवळ येईपर्यंत वर्धा नदीपात्रातील वाळू अर्ध्यावर रिकामी झालेली असेल, अशी चर्चा होत आहे. 

संपादन - अथर्व महांकाळ