वणीच्या आमदारांना पडला जिल्ह्याच्या पालकमंत्र्यांच्या विसर; फलकावर झळकलं मदन येरावारांचं नाव 

मारेगाव (जि. यवतमाळ): तालुक्यातील नवरगाव मध्यम प्रकल्प येथुन करणवाडी या गावाकरिता खनिज विकास निधीतून नळयोजना राबविण्याकरिता ता.३१ मार्च रोजी वणी विधानसभा क्षेत्राचे आमदार संजीवरेड्डी बोदकुरवार याच्या हस्ते भूमिपूजन पार पडले. परंतु येथिल फलकावर आमदार मदन येरावार यांच्या नावासमोर पालकमंत्री असे नमुद केले आहे. या विषयी परिसरात वेगवेगळ्या चर्चा होतांना दिसत आहे.

जंगलातील वणवा रोखण्यात गब्बरसिंग आणि सिंघम फेल; व्याघ्रप्रकल्पात आगीचे प्रकार सुरूच

नवरगाव मध्यम प्रकल्प येथे  करणवाडी गावा करीता नळयोजनेचा भूमिपूजन समारंभ पार पडला.फलकावर आमदार मदन येरावार यांच्या नावासमोर पालकमंत्री यवतमाळ जिल्हा असे नमुद केल्या गेले आहे. राज्यात आघाडी सरकार असतांना आमदार मदन येरावार पालकमंत्री कसे असा सवाल जनतेतून केल्या जात आहे. काहींनी तर बुद्धिपुरस्कर केला असल्याचा आरोप सुद्धा केला आहे.

सत्ता समिकरण बदलाचे संकेत तर नाहीत असेही बोलल्या जात आहे. समाज माध्यमावर येथिल समारंभाचे फोटो प्रसारीत होताच विविध चर्चेला पेव फुटणे चालु झाले आहेत.माजी आमदार विश्वास नांदेकर विद्यमान खनिज प्रतिष्ठानचे सदस्य असतांना विजय पिदूरकर यांना फलकावर सदस्य खनिज प्रतिष्ठान असे नमुद केले आहे. या बाबीला राजकीय वळण येण्याची शक्यता वर्तविली जात आहे.

कुंभकर्णाच्या पुढ्यातच रावणाचे दहन, देशातील सर्वात...

नवरगाव मध्यम प्रकल्प येथे करणवाडी गावा करीता नळ पाणी पुरवठा योजने करीता विहिरीच्या  भूमीपूजन पार पडले. येथे लावण्यात आलेला फलकावरील काही बाबी चुकीने नमुद झाल्या आहेत. मंजुरात जुनीच होती परंतु गावाच्या राजकीय हेव्यामुळे काम झाले नव्हते. आता या कामाला सुरुवात झाली आहे.
-ज्ञानेश्वर चिकटे 
भाजपा मारेगाव तालुका अध्यक्ष

संपादन - अथर्व महांकाळ