Road Accident : ट्रकने दुचाकीला पाचशे मीटर नेले फरफटत; दोन मुलांसह आईचा मृत्यू | Sakal
sakal

बोलून बातमी शोधा

Mother and two children were killed in a truck crash in gondia district

ट्रकने दुचाकीला पाचशे मीटर नेले फरफटत; दोन मुलांसह आईचा मृत्यू

गोंदिया : भंडारा जिल्ह्यात दोन दिवसांपूर्वी झालेल्या अपघातात आई आणि मुलाचा मृत्यू (killed) झाला होता. तर बुधवारी नागपूर जिल्ह्यातील कामठी तालुक्यात झालेल्या भीषण अपघातात आजोबा आणि नातवाचा मृत्यू झाला होता. या घटना ताज्या असतानाच गोंदिया जिल्ह्यातील सडक अर्जुनी तालुक्यातील नैनपूर गावाजवळ गुरुवारी (ता. ५) भीषण अपघात झाला. या अपघातात दोन मुलांसह आईला जीव गमवावा लागला. मागील काही दिवसांत अपघातात मृत्यू होण्याचे प्रमाण (road accident) वाढल्याचे पाहायला मिळत आहे. (Mother and two children were killed in a truck crash)

पोलिसांनी दिलेल्या माहितीनुसार, भंडारा जिल्ह्याच्या लाखांदूर तालुक्यातील घरतोडा येथून देवरीकडे जाण्यासाठी तुळशीराम मेश्राम हे दुचाकीने पत्नी व दोन मुलांसह निघाले होते. डुग्गीपार पोलिस ठाण्याच्या हद्दीत नैनपूर गावाजवळ भरधाव ट्रकने त्यांच्या दुचाकीला जबर धडक (road accident) दिली. या धडकेत पत्नी प्रीती तुळशीराम मेश्राम (३३), चिन्मय तुळशीराम मेश्राम (१०) व कृष्णा तुळशीराम मेश्राम यांचा मृत्यू (killed) झाला. तर गंभीर जखमी तुळशीराम रामा मेश्राम (४५) यांना उपचारासाठी नागपूर येथील रुग्णालयात हलविण्यात आले आहे.

हेही वाचा: कर्मचाऱ्यांना वीर्य पिण्यास पाडले भाग; नौदलाच्या अधिकाऱ्याला अटक

अपघातानंतर ट्रकने दुचाकीला पाचशे मीटरपर्यंत फरफटत नेल्याची माहिती आहे. जखमी तुळशीराम मेश्राम हे देवरी तालुक्यातील देऊळगाव येथे शिक्षक म्हणून कार्यरत आहे. डुग्गीपार पोलिसांनी घटनेची नोंद केली आहे. पोलिसांनी ट्रकसह ट्रकचालकाला अटक केली आहे. मागील दोन्ही घटनांमध्येही ट्रकनेच दुचाकीला धडक (road accident) दिली होती.

भंडारा येथील घटनेत नागपुरातील आई आणि मुलाचा मृत्यू झाला होता. आई आणि मुगला कामानिमित्त भंडाऱ्याला जात होते. नागपुरातील घटनेत आजोबा, नातू आणि सून डोळ्याची शस्त्रक्रिया करण्यासाठी जात होते. झालेल्या अपघातात आजोबा आणि नातवाचा मृत्यू (killed) झाला होता. तर आजच्या घटनेत मेश्राम कुटुंबावर काळाने घाला घातला. झालेल्या अपघातात पत्नी आणि दोन मुलांचा मृत्यू झाला.

Web Title: Mother And Two Children Were Killed In A Truck Crash Crime News Gondia District Road Accident

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top