Corona Booster Dose News | दुसऱ्या डोसपासून नऊ महिने झाल्यास बूस्टर डोस | Sakal
sakal

बोलून बातमी शोधा

Corona Booster Dose News
दुसऱ्या डोसपासून नऊ महिने झाल्यास बूस्टर डोस

दुसऱ्या डोसपासून नऊ महिने झाल्यास बूस्टर डोस

नागपूर : शहरात उद्या १० जानेवारीपासून बूस्टर डोस (Booster dose) देण्यास सुरवात होणार आहे. पहिल्या टप्प्यात आरोग्य अधिकारी(Health Officer), कर्मचारी, फ्रंटलाइन वर्कर्स तसेच विविध व्याधी असलेल्या ६० वर्षांवरील नागरिकांना बूस्टर डोस देण्यात येईल. बूस्टर डोससाठी दुसरा डोस (second dose) घेतल्यानंतर नऊ किंवा ३९ आठवडे पूर्ण झालेलेच पात्र ठरतील.(Corona Booster Dose News)

हेही वाचा: कोरोनाने डोके वर काढलंय आम्ही जगायचं कसं; मजुरांनी व्यक्त केल्या व्यथा

केंद्र आणि राज्य शासनाच्या निर्देशानुसार शहरात ३ जानेवारीपासून १५ ते १८ वयोगटातील मुलांच्या लसीकरणाला सुरवात झाली. शहरात १५ ते १८ वर्ष वयोगटातील मुलांच्या कोरोना प्रतिबंधक लसीकरणाला चांगला प्रतिसाद मिळत आहे. कोरोनाच्या संभाव्य तिसऱ्या लाटेचा धोका लक्षात घेता फ्रंटलाइन वर्कर्स आणि ६० वर्ष व त्यावरील व्यक्तींना बूस्टर डोस देण्याच्या मोहिमेला सुरवात करण्यात येणार आहे. १० जानेवारीपासून बूस्टर डोस देण्यात येणार आहे. आरोग्य कर्मचारी, कोव्हिडमध्ये आघाडीवर काम करणारे फ्रंटलाइन कर्मचारी आणि ६० वर्ष व त्यावरील वयाच्या सहव्याधी असलेल्या नागरिकांना लसीचे डोस देण्यात येणार आहेत.

दुसरा डोस घेतल्याच्या तारखेपासून ९ महिने किंवा ३९ आठवडे पूर्ण झालेले नागरिक तिसऱ्या डोससाठी पात्र असतील. अशा पात्र ६० वर्षावरील नागरिकांसाठी कोविशिल्ड लसीचे ११९ स्थायी केंद्र उघडण्यात आले आहे. येथे १८ वर्षांवरील सर्व नागरिकांना कोविशिल्डचा पहिल्या आणि दुसरा डोस देण्यात येईल. तसेच कोवॅक्सिनसाठी २९ स्थायी लसीकरण केंद्र उघडण्यात आले आहे. ज्यांनी कोवॅक्सिन लस घेतली आहे, त्या ६० वर्षावरील नागरिकांना त्याचा बूस्टर डोस देण्यात येईल. तसेच येथे १५ वर्षावरील नागरिकांना पहिला व दूसरा डोस देण्यात येत आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :NagpurdoctorBooster Dose
loading image
go to top