होमगार्ड युवतीचा पोलिस कर्मचाऱ्याच्या घरासमोर आत्मदहनाचा प्रयत्न; गंभीर जखमी | Sakal
sakal

बोलून बातमी शोधा

Home guard girl front the police officers house Attempt to Self immolation Seriously injured
होमगार्ड युवतीचा पोलिस कर्मचाऱ्याच्या घरासमोर आत्मदहनाचा प्रयत्न

होमगार्ड युवतीचा पोलिस कर्मचाऱ्याच्या घरासमोर आत्मदहनाचा प्रयत्न

वर्धा : येथील गृहरक्षक दलात कार्यरत असलेल्या एका युवतीने स्थानिक गुन्हे शाखेच्या कार्यरत असलेल्या पोलिस कर्मचाऱ्याच्या (Police officers)घरासमोर जाळून घेतले. ही घटना रविवारी (ता. नऊ) रात्री १० वाजताच्या सुमारास घडली. ही युवती यात गंभीर भाजल्याने तीला उपचाराकरिता नागपूर येथे रवाना करण्यात आले आहे.

हेही वाचा: रॉस टेलरची एन्ट्री होताच बांग्लादेशच्या खेळाडुंनी दिला गार्ड ऑफ ऑनर

रविवारी रात्रीच्या सुमारास पिपरी (मेघे) येथील वसाहतीत वास्तव्यास असलेल्या पोलीस कर्मचाऱ्याच्या घरासमोर येत या युवतीने वाद घातला. यावेळी कोणाच्या काही लक्षात येण्यापूर्वीच तिने अंगावर पेट्रोल टाकून स्वतःला जाळून घेतले. हा प्रकार आसपासच्या नागरिकांच्या लक्षात येताच त्यांनी तीच्या अंगावर पाणी टाकत आग विझवली. सदर युवती

यात ही युवती गंभीर भाजली असल्याने तिला पोलीस विभागाच्या वतीने तत्काळ नागपूर येथे रवाना करण्यात आले. या गृहरक्षक युवतीने एवढा टोकाचा निर्णय का घेतला याचे कारण काळू शकले नाही. या संदर्भात पोलीस विभागात विविध चर्चेला उधाण आले आहे. पोलिसांनी घटनेची नोंद घेतली आहे.

हेही वाचा: आजपासून ‘बुस्टर डोस’; अकोला जिल्ह्यात १२ हजार ५०० लाभार्थी पात्र

अद्याप तक्रार नाही

या घटनेची अद्याप पोलिसात तक्रार करण्यात आली नाही. यामुळे असयाप कुणावरही गुन्हा दाखल करण्यात आला असल्याने पोलिसंकडून सांगण्यात आले आहे. सदर युवतीचे बयान नोंदविण्यासाठी कर्मचाऱ्याला रवाना केले असता ती युवती बोलण्याच्या स्थितीत नसल्याची माहिती रामनगरचे ठाणेदार हेमंत चांदेवार यांनी दिली.

हेही वाचा: जोकोविचला न्यायालयाचा दिलासा, हॉटेलमधून बाहेर येण्यास परवानगी

तो कर्मचारी विवाहित

ज्या कर्मचाऱ्याच्या घरासमोर वाद करीत या युवतीने जाळून घेतले तो विवाहित असल्याची माहिती पोलिस विभागाकडून मिळाली आहे. यामुळे ही घटना नेमकी कशातून घडली याबाबत विविध चर्चा आहे.

पोलिसांनी घटनास्थळाचा केला पंचनामा

घटनेची माहिती मिळताच पोलिसांनी घटनास्थळ गाठत जखमी युवतीला रुग्णालयात रवाना केले आणि घटनास्थळाचा पंचनामा केला.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top