नागपूर : चार मार्गांवर आजपासून लालपरी ‘नॉनस्टॉप’ | Sakal
sakal

बोलून बातमी शोधा

ST Bus started in nagpur
नागपूर : चार मार्गांवर आजपासून लालपरी ‘नॉनस्टॉप’

नागपूर : चार मार्गांवर आजपासून लालपरी ‘नॉनस्टॉप’

नागपूर : राज्य परिवहन महामंडळातर्फे(msrtc) एसटीची सेवा पुर्ववत करण्याचे आटोकाट प्रयत्न सुरु आहे. याचाच एक भाग म्हणजे उद्या (ता. १४) पासून विदर्भातील चार मार्गांवर ‘एसटी नॉनस्टॉप’ धावणार आहे. यामध्ये, अमरावती, चंद्रपूर, भंडारा आणि वर्धा शहरांचा समावेश आहे. तर, प्रवाशांची वर्दळ असलेल्या काही प्रमुख मार्गांवर दिवसातून किमान चार फेऱ्या सुरु करण्यात येत आहेत.८ ऑक्टोबरपासून कर्मचाऱ्यांनी संप पुकारला. याचा एक भाग म्हणून नागपूर विभागातील एकूण २ हजार ३७७ कर्मचारी मागण्यांवर अडून बसले. त्यानंतर नागपूर विभागातील ५५७ कर्मचाऱ्यांवर कारवाईचा बडगा उगारण्यात आला. (Action was taken against 557 employees of Nagpur division)

हेही वाचा: नागपुरात रेकॉर्ड; नीरीतील तपासणीत आढळले ७३ ओमिक्रॉनबाधित

मार्ग वारंवारिता

  1. अमरावती - १ तास (सकाळी ६ ते सायं ७ वाजतापर्यंत)

  2. चंद्रपूर -१ तास (सकाळी ६ ते सायं ७ वाजतापर्यंत)

  3. भंडारा - अर्धा तास (सकाळी ६ ते सायं ७ वाजतापर्यंत)

  4. वर्धा - १ तास (सकाळी ६ ते सायं ७ वाजतापर्यंत)

  5. रामटेक -२ तास (सकाळी ८ ते सायं ६ वाजतापर्यंत)

  6. सावनेर -२ तास (सकाळी ८ ते सायं ६ वाजतापर्यंत)

  7. उमरेड -२ तास (सकाळी ८ ते सायं ६ वाजतापर्यंत)

  8. काटोल -२ तास (सकाळी ८ ते सायं ६ वाजतापर्यंत)

हेही वाचा: ‘हत्ती नेण्याचा प्लॅन रद्द होईल; गडचिरोलीमध्ये भव्य एलिफंट पार्क’

प्रवाशांची गैरसोय होऊ नये म्हणून ५ जानेवारीपासून खासगी चालक व वाहकांची भरती करण्यासाठी खासगी एजन्सीची(private agency) नेमणूक करण्यात आली. या एजन्सीच्या माध्यमातून आजवर ४४ चालकांना सेवेमध्ये रुजू करून घेण्यात आले आहे. तर, परिवहन मंत्र्यांनी दिलेल्या तंबीनंतर ६५१ कर्मचारी कामावर हजर झाले. याशिवाय निवृत्त चालक, वाहकांना विभागातर्फे वीस हजार मासिक वेतनाच्या बदल्यात कंत्राटी पद्धतीने कामावर येण्यासाठी अर्ज करण्याचे आवाहन करण्यात आले होते. त्यानुसार, दहा निवृत्त कर्मचाऱ्यांनी अर्ज केला होता.

हेही वाचा: नागपूर : सरकारने शेतकऱ्यांना वाऱ्यावर सोडले

चार मार्गावर आजपासून ‘नॉनस्टॉप’

यातील निकषांमध्ये बसणाऱ्या चार कर्मचाऱ्यांना आजपासून कामावर रुजू करून घेण्यात आले. या कर्मचाऱ्यांच्या जोरावर नागपूर विभागातील एसटीची(nagpur division bus depo) सेवा पूर्ववत करण्याचा प्रयत्न केला जातो आहे. तसेच, काही प्रमुख मार्गांवर दिवसभरातून किमान चार फेऱ्यांचा समावेश करण्यात आला आहे. यामध्ये, यवतमाळ(yavatmal), गडचिरोली, गोंदिया, साकोली, देवरी, हिंगणघाट, पांढरकवडा, वरुड, मोर्शी या गावांचा समावेश आहे. एसटीच्या(msrtc) आज एकूण ६३ फेऱ्या झाल्या असून सहा कर्मचारी कामावर रुजू झाले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top