Nagpur News:लॉकरमधील पैसे सोंटू पाठविणार होता दुबईला? पोलिसांच्या तावडीतून पळून जाण्याचाही होता इरादा

Online Gaming Fraud:ऑनलाइन गेमिंगद्वारे व्यापाऱ्याची कोट्यवधीने फसवणूक करणारा सोंटू ऊर्फ अनंत नवरतन जैन याचे गोंदियातील ॲक्सिस बॅंकेतील तीन लॉकर गोठविले होते. तरीही त्याने तेथील व्यवस्थापकाच्या मदतीने डॉक्टर मित्राच्या नावे नवे लॉकर उघडून, त्यात पैसा वळविला. हा संपूर्ण पैसा दुबईला ट्रान्सफर करण्याच्या तयारीत सोंटू असल्याची खळबळजनक माहिती समोर आली आहे.

सोंटूकडे टाकलेल्या छाप्यानंतर बॅंकेला २६ जुलैला पोलिस आयुक्तांनी पत्र पाठवून त्याचे गोंदियातील ॲक्सिस बॅंकेत असलेले तीन लॉकर गोठविण्याची सूचना केली. त्यानुसार ती खाती गोठविण्यात आली.

यादरम्यान सोंटूने बॅंकेचे व्यवस्थापक अंकेश खंडेलवाल यांना फोन करीत त्यांना शहरातील रेडिओलॉजीस्ट गौरव बग्गा यांच्या नावाने तीन नवे लॉकर उघडून, त्यात गोठविलेल्या लॉकरमधील पैसा आणि सोने वळविण्यास सांगितले. यासाठी त्याला चार कोटी देण्याचेही मान्य केले. १ ऑगस्टला त्याने ही रक्कम व सोने सोंटूच्या लॉकरमधून बग्गाच्या लॉकरमध्ये वळते केले.

याची माहिती मिळताच पोलिसांनी २० ऑक्टोबरला सकाळी गोंदियात सात ठिकाणी छोपे टाकून, डॉक्टर गौरव बग्गा यांच्या घरातून १ कोटी ३५ लाख रोख आणि तीन किलो २०० ग्रॅम सोन्याचे बिस्कीट जप्त केले. त्यानंतर धीरज उर्फ बंटी कोठारी यांच्याकडून दोन कोटी रुपयांचे तीन किलो ६०० ग्रॅम सोने जप्त केले. ही रक्कम जवळपास साडेपाच कोटी रुपयांच्या घरात आहे. (Latest Marathi News)