abhijit vanjari
sakal
नागपूर - नागपूर विभाग विधान परिषद पदवीधर मतदारसंघाच्या निवडणुकीत कोण बाजी मारणार, याचे चित्र तब्बल ४० तासांनंतरही स्पष्ट होऊ शकलेले नाही. विजयासाठी निश्चित केलेला मतांचा कोटा कोणत्याही उमेदवाराला गाठता न आल्याने दुसऱ्या पसंतीच्या मतांची मोजणी सुरू असून, बुधवारी मध्यरात्रीपर्यंत निकालाची उत्कंठा शिगेला पोहोचली होती. पहिल्या पसंतीच्या मतमोजणीत ४ हजार २९४ मतांची आघाडी घेणारे भाजपचे सुधाकर कोहळे यांची ही आघाडी काँग्रेसचे अभिजीत वंजारी यांनी दुसऱ्या पसंतीच्या फेऱ्यांमध्ये वेगाने कमी केल्याने लढत अत्यंत चुरशीची बनली आहे.
