नागपूरात नवीन वर्षाच्या पहिल्याच दिवशी देवदर्शनासाठी रांगा | Sakal
sakal

बोलून बातमी शोधा

नागपूरात नवीन वर्षाच्या पहिल्याच दिवशी देवदर्शनासाठी रांगा
नागपूरात नवीन वर्षाच्या पहिल्याच दिवशी देवदर्शनासाठी रांगा

नागपूरात नवीन वर्षाच्या पहिल्याच दिवशी देवदर्शनासाठी रांगा

नागपूर : नव्या वर्षांच्या(NEW YEAR) पहिल्या दिवसाची सुरवात देवदर्शनाने करण्यासाठी शहरातील नागरिकांनी आज साई मंदिरासह टेकडी गणेश मंदिरात मोठी गर्दी केली. यावेळी शनिवारचा विकेंड घालविण्यासाठी अनेकांनी सायंकाळी स्वामिनारायण मंदिरासह फुटाळा, महाराजबाग प्राणीसंग्रहालय आणि विवेकानंद स्मारक आणि पार्कमध्ये गर्दी केल्याचे दिसून आले. यामुळे कोरोना आणि ओमिक्रानची भीती कोणाच्याच चेहऱ्यावर दिसत नव्हती. (NEW YEAR FIRST DAY PEOPLE CROWD IN TEMPLES IN NAGPUR)

हेही वाचा: नागपूर जिल्ह्यात कोरोनाचा तब्बल ४९ दिवसानंतर मृत्यू...

थर्टीफर्स्टला पोलिसांकडून मोठ्या प्रमाणात निर्बंध टाकण्यात आले. त्यामुळे बहुतांश नागरिकांनी घरातच नववर्षाचे स्वागत केले. मात्र, दुसऱ्या दिवशी दिवसाची सुरवात देवदर्शनाने करण्यासाठी सकाळपासूनच वर्धा मार्गावरील साई मंदिर, तेलंगखेडी, रेल्वे स्टेशन जवळील टेकडी गणेश मंदिर, इस्कॉन मंदिर आणि इतवारीतील राधाकृष्ण, बालाजी मंदिर आदी ठिकाणी गर्दी केली होती. यावेळी मंदिरात दर्शनासाठी रांगा लागल्या होत्या. यावेळी मंदिर प्रशासनाकडून कोरोना नियमांचे पालन करीत, सामाजिक अंतर पाळून दर्शनासाठी सोय केली होती. यावेळी अनेकांनी देवाच्या साक्षीने नववर्षाचा संकल्प घेताना दिसून आले. याशिवाय दिवसभर दुपारी वातावरणाचा आनंद लुटत अनेकांनी फुटाळा, विवेकानंद स्मारक परिसरात गर्दी केली होती. त्यामुळे संपूर्ण परिसरही फुलला होता. अनेकांनी पहिल्या दिवशी रामटेक, आदासा आणि आसपासच्या मंदिरात जाऊन देवदर्शन घेतले. दरम्यान शहरातील पार्क आणि उद्यानातही यावेळी गर्दी दिसून आली. याशिवाय सायंकाळी स्वामिनारायण मंदिरातही शहरातील नागरिकांनी हजेरी लावून गर्दी केली होती.

मास्क गायब

देवस्थानांसह अंबाझरी तलाव, महाराजबाग येथे येताना भाविकांनी आणि पर्यटकांना चेहऱ्यावर मास्क लावणे बंधनकारक आहे. शिवाय, व्यवस्थापनाकडून निर्जंतुकीकरण करणे अपेक्षित आहे. व्यक्तिश: अंतर तर पाळावेच लागेल, असे फलक लागले आहेत. मात्र, अनेकांच्या चेहऱ्यावरील मास्क गायब झालेले होते. अनेकांचे मास्क हनुवटीला टांगलेले दिसून येत होते.

हेही वाचा: कधी संपणार कोरोनाचं मृत्यूचक्र? नागपूर जिल्ह्यात आज तब्बल ७५ रुग्णांचा मृत्यू

डिस्टन्सिंगचा फज्जा

कोरोनाचे रुग्ण वाढत असताना प्रशासनाकडून निर्बंध लावले जात आहे. मात्र, आज देवस्थानांसाठी आलेल्या भक्तांनी आणि पर्यटनासाठी आलेले महाराजबागमधील पर्यटकांनी नियमांची पायमल्ली केली. कोरोनाची भीती कोणाच्याच चेहऱ्यावर दिसत नव्हती.

संकल्पाचा दिवस

प्रत्येक वर्षाच्या डिसेंबरच्या पहिल्या दिवसापासूनच नूतन वर्षाची चाहूल लागलेली असते. पुढच्या वर्षी कुठला नवीन संकल्प करावा, असाच विचार सुरू होतो. छोटे छोटे संकल्प आपल्याला भविष्यात मोठा फायदा करून देणारे ठरत असतात. त्यामुळे सकाळी देवदर्शन करीत, अनेकजण संकल्प करताना दिसून आले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :NagpurNew year
loading image
go to top