सहा महिन्यांपासून निराधारचा निधीच नाही, दोन्ही पाय लुळे पडूनही पेपरचे पाकीटे बनवून जगतात जीवन

नागपूर : दिव्यांगांना मानसन्मानाने जगता यावे म्हणून राज्य सरकार त्यांना संजय गांधी निराधार योजनेअंतर्गत दर महिन्याला एक हजाराची आर्थिक मदत देते. त्या पैशाचा प्रकाश हिवसेंसारख्या गोरगरीब दिव्यांगांना मोठा आधार मिळतो. मात्र, शासनाने गेल्या पाच-सहा महिन्यांपासून त्यांच्या खात्यात पैसेच जमा केले नाही. त्यामुळे ते नाइलाजाने पेपरचे पाकीटे बनवून विकतात. त्यावर उदरनिर्वाह करतात. हिवसेंसारखीच अनेकांची गत आहे. त्यांच्यावर उपासमारीची वेळ आली आहे. 

हेही वाचा - शंकरबाबांची २४ वी लेक विवाहबद्ध; वधुपिता गृहमंत्री, तर...

मला व माझ्या पत्नीला बारा-तेरा वर्षांपासून संजय गांधी निराधार योजनेतून आर्थिक मदत मिळते. आतापर्यंत नियमित पैसे जमा होत गेले. मात्र, जूनपासून दमडीही जमा झाली नाही. माझ्यासारखी अनेकांची हीच अवस्था आहे. या अडचणीच्या काळात शासनाने लवकरात लवकर मदत जमा करावी. 

हेही वाचा - Exclusive : अंथरुणाला खिळलेल्या 'सुनील'च्या...

शिवणगाव येथे राहणारे ४६ वर्षीय प्रकाश जन्मापासूनच पोलिओने अपंग आहेत. दोन्ही पाय लुळे पडल्याने त्यांना चालता येत नाही. त्यांची पत्नी आशाही अपंग आहे. उदरनिर्वाहासाठी प्रकाश पानठेला चालवायचे. मात्र, कोरोनामुळे पानठेला बंद करावा लागला. पोटाची भूक भागविण्यासाठी नाइलाजाने पेपरचे पाकीट बनवून विकावे लागत आहे. पती-पत्नी विकत घेतलेल्या किंवा कुणी दिलेल्या रद्दीतून दिवसभर कागदी पिशव्या व पाकीट बनवतात. महागाईच्या काळात जीवन जगणे दिवसेंदिवस कठीण होत चालल्याचे प्रकाश यांनी सांगितले. प्रकाश बारावीपर्यंत शिकलेले असून, आशा बी. कॉम. झालेल्या आहेत. त्यांना अकरा वर्षांचा मुलगा आहे. घर मिहान प्रकल्पात गेल्याचे ते म्हणाले. 

हेही वाचा - Success Story : लागवड एकदाच अन् उत्पादन ३५ वर्ष,...

कोरोनामुळे पानठेला बंद करावा लागला. आम्हाला कुणाचीही सहानुभूती नको आहे. केवळ आमचा हक्क पाहिजे. शासन आमची अडचण समजून घेईल, अशी अपेक्षा आहे. 
- प्रकाश हिवसे, दिव्यांग