Gondia News : गोंदियात अजित पवार गटाला धक्का; माजी खासदार शरद पवार गटात

गोंदिया - जिल्ह्यातील अजित पवार गट आणि खासदार प्रफुल्ल पटेल यांना मोठा धक्का बसला असून अजित पवार गटाचे माजी खासदार खुशालचंद्र बोपचे आणि त्यांचे पूत्र रविकांत बोपचे यांनी शरद पवार प्रवेश केला आहे.

बोपचे यांनी बुधवारी मुबंईत शरद पवार यांची भेट घेत त्यांच्यासोबत राहण्याचा निर्णय घेतला आहे. त्यांच्या पक्ष प्रवेशावेळी राष्ट्रवादी काँग्रेसचे प्रदेशाध्यक्ष जयंत पाटील, आमदार जितेंद्र आव्हाड, आमदार डॉ. राजेश टोपे उपस्थित होते.

राष्ट्रवादी काँग्रेसचे दोन गट पडल्यानंतर अजित पवार गटासोबत राहिलेले माजी खासदार खुशालचंद्र बोपचे यांनी राष्ट्रवादी काँग्रेसचे राष्ट्रीय अध्यक्ष शरद पवार यांची मुबंईत भेट घेत त्यांच्यासोबत राहण्याचा निर्णय घेतला. तसेच त्यांचे पूत्र युवा नेते रविकांत बोपचे यांनी सुद्धा शरद पवार गटात प्रवेश केला आहे.

बोपचे पितापुत्रांनी शरद पवार गटात प्रवेश केल्यामुळे जिल्ह्यात अजित पवार गटाला हादरा बसला आहे.