मोबाईल कंपन्यांना शेवटची संधी

अकोला ः महापालिका क्षेत्रात परवानगी न घेता स्टरलाईट कंपनीसोबत केबल टाकणाऱ्या व टॉवर उभारणाऱ्या मोबाईल कंपन्यांना महापालिका आयुक्तांनी त्यांच्याकडे असलेले मॅप व इतर दस्तऐवज सादर करण्याची शेवटची संधी दिली आहे. शुक्रवारी सकाळपर्यंत सर्व कंपन्यांना ही दस्तऐवज सादर करावयाचे असून, त्यानंतर महापालिका अनियमिततेप्रकरणी पोलिस तक्रार करणार आहे.

मोबाईल कंपन्यांनी कोणतीही परवानगी न घेता परवानगी घेवून काम करणाऱ्या स्टरलाईट कंपनीसोबतच त्यांचेही केबल टाकले. हीबाब उघड झाल्यानंतर मनपा प्रशासनाने खोदकाम सुरू केले. त्यात मोठ्याप्रमाणावर अनियमितता झाल्याचे उघडकीस आले. त्यामुळे झोननिहाय सर्व्हेक्षणाचे काम करण्यात आले. त्यात 228 पैकी 220 टॉवर विनापरवानगी सुरू असल्याचे दिसून आले. यासंदर्भात मोबाईल कंपन्यांच्या प्रतिनिधींची बैठक गुरुवारी दुपारी आयुक्त संजय कापडणीस यांच्या दालनात आयोजित करण्यात आली होती. त्यात आयुक्तांनी सायंकाळपर्यंत दस्तऐवज सादर करण्याची सूचना केली होती. सायंकाळपर्यंत कंपन्या दस्तऐवज सादर करू शकल्या नाही. त्यामुळे शुक्रवारी सकाळपर्यंत वेळ वाढवून देण्यात आला.

महत्त्वाचे ः वीज दरवाढीचा ग्राहकांना शाॅक

जिओचाच सर्वाधिक घोळ
रिलायन्स जिओने 4 जी केबल टाकताना सर्वाधिक घोळ केल्याचे दिसून आले. जिओने 120 चे मॅपिंग सादर करणे अपेक्षित होते. प्रत्यक्षात 130 किलोमीटर केबल टाकण्यात आल्याचे सांगण्यात येत आहे. त्यातही 94.5 किलोमीटर केबलचीच परवानगी घेतली आहे. याशिवाय 4.5 किलोमीटरचे काम कोणत्याही विभागाची परवानगी न घेताच करण्यात आले असल्याचे उघड झाले आहे.

हेही वाचा  : शाळांचा प्रायोगिकतत्त्वार विकास करणार
टॉवरमध्ये सर्वच कंपन्या अडचणीत
शहरातील 228 मोबाईल टॉवरपैकी 20 टक्केही टॉवरची परवानगी घेतलेली नाही. त्यामुळे टॉवर प्रकरणात सर्वच कंपन्या अडचणीत आल्या आहेत.

महत्त्वाचे :  गौरविणार साहित्य पंढरीचा विठ्ठल

कोणत्या कंपनीचे किती टॉवर वैध, अवैध?
- जिओ कंपनीने शहरात 65 टॉवर बसविले आहेत. त्यापैकी 14 चीच परवानगी घेण्यात आली आहे.
- इतर मोबाईल कंपन्यांना सेवा देणाऱ्या इंडस कंपनीनेच 38 टॉवर आहेत. त्यात 14 चीच परवानगी आहे.
- व्होडाफोन, आयडीया, आणि मोबाईल कंपन्यांना सेवा देणाऱ्या एटीएस कंपनीच 72 पैकी 22 टॉवरच परवनगी घेवून सुरू आहेत.