Gokul Election : गोकुळ निवडणुकीत मोठा ट्विस्ट! जागावाटपात फडणवीसांनी 'राष्ट्रवादीला' चेपवलं ?

Hasan Mushrif: कोल्हापूर जिल्ह्यातील बहुचर्चित 'गोकुळ' (कोल्हापूर जिल्हा सहकारी दूध उत्पादक संघ) पंचवार्षिक निवडणुकीसाठी महायुतीमधील जागावाटपाचा फॉर्म्युला मुख्यमंत्र्यांच्या मान्यतेनंतर ठरला असला, तरी महायुतीत मोठे नाराजीनाट्य उघडकीस आले आहे. या जागावाटपात उपमुख्यमंत्री देवेंद्र फडणवीस यांनी राष्ट्रवादी काँग्रेसला (अजित पवार गट) अपेक्षित जागा न देता दुय्यम स्थान दिल्याचा आरोप होत आहे. मंत्री हसन मुश्रीफ हे राष्ट्रवादीसाठी किमान १० स्वतंत्र जागांची मागणी करत होते.