AIMIM चे प्रदेशाध्यक्ष इम्तियाज जलील आज मुंब्रा दौऱ्यावर दाखल झाले. मुंब्रा येथील विजयी उमेदवारांची भेट घेण्यासाठी ते कल्याण फाटा परिसरातील विला हॉलमध्ये पोहोचले. जलील यांच्या आगमनावेळी कार्यकर्त्यांनी मोठी गर्दी करत जोरदार स्वागत केलं. यावेळी गळ्यात भगवी शाल घालून इम्तियाज जलील मुंब्र्यात दाखल झाले होते. त्यांच्या उपस्थितीमुळे परिसरात उत्साहाचं वातावरण पाहायला मिळालं. दरम्यान, मुंब्रा प्रभाग क्रमांक ३० मधील विजयी उमेदवार सहार शेख या सध्या राजकीय वर्तुळात प्रचंड चर्चेत आहेत. राष्ट्रवादी काँग्रेसकडून तिकीट नाकारल्यानंतर त्यांनी AIMIM च्या तिकीटावर निवडणूक लढवत दणदणीत विजय मिळवला. विजयानंतर सहार शेख यांनी थेट राष्ट्रवादीचे नेते जितेंद्र आव्हाड यांना आव्हान दिलं, ज्याचा व्हिडीओ सध्या सोशल मीडियावर मोठ्या प्रमाणात व्हायरल होत आहे. या पार्श्वभूमीवर इम्तियाज जलील यांचा मुंब्रा दौरा आणि कार्यकर्त्यांची गर्दी यामुळे राजकीय हालचालींना वेग आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.