operation sindoor । घटना एक असली तरी अर्थ अनेक आहेत । satish dhage । air strike । pakistan

आज भारताने एक ठोस आणि निर्णायक पाऊल उचलत पाकिस्तानमध्ये घुसून 'ऑपरेशन सिंदूर' राबवलं. या उच्चस्तरीय लष्करी कारवाईत जैश-ए-मोहम्मद आणि लष्कर-ए-तोयबा या दहशतवादी संघटनांच्या ठिकाणांवर अचूक हल्ला करण्यात आला. हे दोन्ही संघटनांचे गट गेल्या तीन दशकांपासून निष्पाप भारतीय नागरिकांवर हल्ले करत आले होते. भारताने आज केवळ सीमा ओलांडली नाही, तर दहशतवादाला थेट उत्तर दिलं आहे. या कारवाईत एकीकडे देशाचं सामरिक सामर्थ्य दिसून आलं, तर दुसरीकडे 30 वर्षांच्या संयमाचं रूपांतरण निर्णायक प्रतिकारात झालं. 'ऑपरेशन सिंदूर' ही केवळ एक कारवाई नव्हे, तर दहशतवादाविरोधात भारताच्या नव्या धोरणाची स्पष्ट घोषणा आहे.