India Pakistan Tension काळात जवान भावाच्या लग्नाआधीच सीमेवर निघाला | Operation Sindoor | Nandurbar

देशसेवेचं व्रत घेणाऱ्या जवानाचं उदाहरण सध्या नंदुरबारच्या माळीवाड्यात सर्वत्र कौतुक केलं जात आहे. केंद्रीय सुरक्षा दलातील जवान किशोर माळी हे भावाच्या लग्नासाठी गावात आले होते. १४ मे रोजी त्यांच्या लहान भावाचा विवाहसोहळा पार पडणार होता. सुट्टी घेऊन घरी परतलेले किशोर माळी अवघ्या काही तासातच पुन्हा सीमेवर परतण्याचा आदेश मिळताच त्यांनी कर्तव्याला प्राधान्य दिलं. सैन्यदलाचं बोलावणं येताच कुटुंब, नातेवाईक, लग्नाचा उत्सव सगळं काही मागे टाकत त्यांनी पुन्हा सीमेकडे प्रस्थान केलं. त्यांच्या कर्तव्यपरायणतेचा गौरव करण्यासाठी माळीवाड्यातील नागरिकांनी डीजेवर देशभक्तीपर गाणी लावत एक छोटीशी मिरवणूक काढली. कुटुंबीयांसोबत शेवटचं जेवण घेतलं आणि छोट्या मुलाला खांद्यावर घेऊन देशासाठी पुन्हा वचनबद्ध होत ते सीमेवर रवाना झाले. जवान किशोर माळी यांच्या या निर्णयामुळे गावात अभिमानाची भावना असून अनेकांनी त्यांना साष्टांग नमस्कार करत भावपूर्ण निरोप दिला. "कर्तव्य हेच खरं घर असतं," असं प्रत्यक्ष कृतीतून दाखवणाऱ्या या जवानाचं नंदुरबारमध्ये आता सर्वत्र गौरव होत आहे.