Vidhanbhavan Rada: Who is Nitin Deshmukh? पडळकरांच्या कार्यकर्त्यानं मारहाण केली ते नितीन देशमुख कोण? | Sakal News

राज्यात पावसाळी अधिवेशन सुरु असताना विधीमंडळात रात्री घडलेल्या एक धक्कादायक घटनेने सर्वांचे लक्ष वेधले. राष्ट्रवादी काँग्रेस शरद पवार गटाचे आमदार जितेंद्र आव्हाड आणि भाजप आमदार गोपीचंद पडळकर यांच्यातील शिवीगाळाचा वाद पेटला तो इतका शिगेला पोहोचला की त्यांच्यातल्या या वादातून त्यांच्या समर्थकांमध्ये थेट हाणामारीपर्यंत झाली. तोही विधीमंडळाच्या मेन लॉबीत. भाजपचे गोपीचंद पडळकर यांचे कार्यकर्ते ऋषीकेश टकले यानं काहींसोबत मिळून राष्ट्रवादीचे कार्यकर्ते नितीन देशमुख यांना मारहाण केली. या प्रकरणाने राजकीय वर्तुळात खळबळ उडाली पण प्रकरण तापलं जेव्हा पोलिसांनी नितीन देशमुख यांना ताब्यात घेतलं. वाद चिघळला आव्हाड थेट मध्यरात्री आंदोलनाला बसले. पोलिसांनी ज्या गाडीत देशमुखांना बसवलं त्या गाडीखाली आव्हाड शिरले.. तिथून त्यांना फरफटत काढलं गेलं.. आव्हाडांचा रौद्ररुप यावेळा पहायला मिळाला. त्यामुळे ज्या कार्यकर्त्यासाठी आव्हाड एवढं आक्रमक झाले ते नितीन देशमुख नेमके कोण? पाहा या व्हिडिओच्या माध्यमातून..