संपूर्ण महाराष्ट्राच्या भवितव्यासाठी ठाकरे बंधू एकत्र येणे अत्यावश्यक होते, असे स्पष्ट मत शिवसेनेचे ज्येष्ठ नेते चंद्रकांत खैरे यांनी व्यक्त केले आहे. ठाकरे बंधूंच्या एकत्र येण्याने आपल्या जुन्या आठवणी ताज्या झाल्याचे सांगत, आपण उद्धव ठाकरे आणि राज ठाकरे या दोघांसोबतही काम केले असल्याचे त्यांनी नमूद केले. दोन्ही भाऊ पुन्हा एकत्र आल्याने महाराष्ट्र वाचेल आणि राज्याच्या राजकारणात ‘ठाकरे पर्व’ सुरू होईल, असा विश्वास खैरे यांनी व्यक्त केला. विशेषतः संभाजीनगरमध्ये जर उद्धव ठाकरे आणि राज ठाकरे यांची संयुक्त सभा झाली, तर ते दृश्य आणि वातावरण पूर्णपणे वेगळे व ऐतिहासिक असेल, असेही ते म्हणाले. मराठवाडा सांस्कृतिक मैदानावर दोन्ही ठाकरे बंधूंची एकत्र सभा आयोजित करण्याची आपण स्वतः विनंती करणार असल्याचे सांगत, अशी सभा झाली तर संभाजीनगरमध्ये पुन्हा एकदा राजकीय चमत्कार पाहायला मिळेल, असा विश्वास चंद्रकांत खैरे यांनी व्यक्त केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.