Vaibhav Nailk on Eknath Shinde: ‘सिद्धेश शिरसाटचा खरा आका कोण?’ | Nilesh Rane

सिंधुदुर्ग जिल्ह्यात भीषण दहशतीचं वातावरण निर्माण झालं असून, कायदा आणि सुव्यवस्थेचा पूर्णपणे बोजवारा उडालाय, असा गंभीर आरोप शिवसेना (ठाकरे गटाचे) माजी आमदार वैभव नाईक यांनी केला आहे. त्यांनी दिलेल्या माहितीनुसार, कुडाळ तालुक्यातील चेंदवण गावात सिद्धिविनायक बिडवलकर (वय ३५) या तरुणाचा केवळ हजार रुपये द्यायचे होते म्हणून शिंदे गटाच्या एका प्रमुख पदाधिकाऱ्याने त्याला नग्न करून अमानुषपणे मारहाण केली, ज्यामध्ये त्याचा मृत्यू झाला. या घटनेवरून संतप्त प्रतिक्रिया व्यक्त करत नाईकांनी राज्यात शिंदे गटाच्या कार्यकर्त्यांकडून गुंडशाही वाढल्याचा आरोप केला आहे. या प्रकारामुळे स्थानिकांमध्ये तीव्र संताप असून, प्रशासनाकडून कठोर कारवाईची मागणी होत आहे.