#स्पर्धापरीक्षा - डोनाल्ड ट्रम्प

अवघ्या जगाचे लक्ष्य लागलेल्या अमेरिकन अध्यक्षपदाच्या निवडणुकीत सर्वांचे अंदाज चुकवून रिपब्लिकन पक्षाचे डोनाल्ड ट्रम्प यांनी दि. 9 नोव्हेंबर 2016 रोजी विजय मिळवला. त्यांनी डेमोक्रॅटिक पक्षाच्या हिलरी क्‍लिंटन यांचा पराभव केला. अमेरिकन अध्यक्षपदाची निवडणूक जिंकण्यासाठी उमेदवाराला 538 प्रातिनिधीक मतांपैकी 270 मते आवश्‍यक असतात. ट्रम्प यांना 306 तर हिलरी क्‍लिंटन यांना 232 प्रातिनिधिक मते मिळाली. ट्रम्प हे अमेरिकेचे 45 वे राष्ट्राध्यक्ष आहेत. ट्रम्प यांचे सहकारी माईक पेन्स यांच्याकडे अमेरिकेच्या उपाध्यक्षपदाची धुरा असेल. 

डोनाल्ड ट्रम्प यांच्याविषयी :

• 4 जून 1946 रोजी न्यूयॉर्कमधील फ्रेड ट्रॅम्प या बांधकाम व्यावसायिकांच्या कुटुंबात जन्मलेले डोनाल्ड ट्रम्प यांचे प्राथमिक शिक्षण लष्करी शाळेत झाले आणि पुढे पेनसिल्वानिया विद्यापीठातून त्यांनी अर्थशास्त्राची पदवी मिळवली. 
• वडिलांच्या बांधकाम व्यवसायातच उडी घेतल्यानंतर हा व्यवसाय न्यूयॉर्क बाहेर विस्तारण्यास त्यांनी सुरुवात केली, याच दृष्टीने त्यांनी 1971 मध्ये वडिलांच्या कंपनीचे ट्रम्प ऑर्गनायझेशन असे नामकरण केले. बांधकाम व्यवसायात त्यांनी अल्पावधीतच जम बसवला आणि आजघडीला तर जगभरातील अनेक देशांमध्ये ट्रम्प यांच्या कंपनीचे ट्रम्प टॉवर बघावयास मिळतात. 
• अमेरिकेचे राष्ट्राध्यक्ष म्हणून निवडून आलेल्या ट्रम्प यांना खरे तर कुठलीच राजकीय पार्श्‍वभूमी नव्हती. 1988 पासून ते कधी रिपब्लिकन तर कधी डेमोक्रॅटिक पक्षात असत, शिवाय 2000 च्या अमेरिकन राष्ट्राध्यक्षपदाची निवडणूक लढविण्यासाठी रिपब्लिकन पक्षापासून काडीमोड घेत "रिफॉर्म' पक्षाकडून निवडणूक लढविण्याचा प्रयत्न त्यांनी केला होता. पण शेवटी प्रायमरीपूर्वीच त्यांनी निवडणुकीतून माघार घेतली होती. या पलीकडे त्यांच्याकडे कुठल्याच राजकीय कारकिर्दीचा वारसा नव्हता; परंतु असे असूनही राष्ट्राध्यक्षपदाच्या निवडणुकीसाठी त्यांनी रिपब्लिकन पक्षाकडून उमेदवारी मिळवली आणि सर्वच राजकीय तज्ज्ञांना आणि माध्यमांना चकवत निवडणूकही जिंकली. 
• ट्रम्प यांचे बांधकाम व्यावसायिक म्हणून करिअर बरेच वादग्रस्त राहिलेले आहे. त्यांच्यावर अनेक वेळा करचुकवेगिरीचा आरोपही झालेला आहे. तसेच त्यांनी स्वतः व्यवसायात 4 वेळा दिवाळखोरी घोषित केलेली आहे. वाद आणि ट्रम्प यांचे नातेदेखील अतिशय घट्ट आहे. आपल्या विधानामुळे वाद अंगावर ओढून घेण्यासाठी ट्रम्प प्रसिद्ध आहेत. त्यामुळे पुढची 4 वर्षे अमेरिकेचे राष्ट्राध्यक्ष म्हणून ट्रम्प यांच्या कामगिरीकडे जगाचे लक्ष लागून राहणार आहे. 
• ट्रम्प यांनी कारकिर्दीच्या सुरुवातीला "एनबीसी' या वाहिनीवरील "द ऍप्रेंटीस' या कार्यक्रमाचे सूत्रधार म्हणून काम बघितले आहे. शिवाय त्यांनी वेगवेगळी पुस्तके लिहिलेली आहेत. त्यापैकीच एक म्हणजे 1987 साली प्रकाशित झालेले "आर्ट ऑफ डिल' हे होय. त्यावेळी हे पुस्तक सर्वाधिक खपाचे पुस्तक ठरले होते. 

ट्रम्प यांनी लिहिलेली पुस्तके 

• 1987 : 'ट्रम्प: द आर्ट ऑफ डिल' 
• 1990 : सर्व्हायव्हिंग ऍट द टॉप 
• 1997 : द आर्ट ऑफ कमबॅक 
• 2000 : द अमेरिका वूई डिझर्व्ह 
• 2008 : क्रिपल्ड अमेरिका: हाऊ टू मेक अमेरिका ग्रेट अगेन 

स्पर्धा परीक्षांच्या तयारीसाठी महत्त्वाच्या विषयांवरील आणखी लेख वाचा-

#स्पर्धापरीक्षा - राष्ट्रीय जलमार्ग प्रकल्प

#स्पर्धापरीक्षा - महाराष्ट्राचे इलेक्‍ट्रॉनिक्‍स धोरण

#स्पर्धापरीक्षा -भारताची पहिली एकात्मिक संरक्षण-संदेशवहन प्रणाली

#स्पर्धापरीक्षा - 'पीएसएलव्ही' अग्निबाणाचे प्रक्षेपण

#स्पर्धापरीक्षा - 'आयएनएस चेन्नई'

#स्पर्धापरीक्षा - 'झिरो डिफेक्ट झिरो इफेक्ट' योजना

#स्पर्धापरीक्षा - नोटाबंदी

#स्पर्धापरीक्षा - मनरेगा योजना

#स्पर्धापरीक्षा - भारताची संपूर्ण स्वदेशी उपग्रह यंत्रणा 'नाविक'

#स्पर्धापरीक्षा - भारताचे रणगाडा विरोधी नाग क्षेपणास्त्र

#स्पर्धापरीक्षा - राष्ट्रीय फलोत्पादन अभियान

#स्पर्धापरीक्षा - भारत आणि ब्रिक्स परिषद

#स्पर्धापरीक्षा - भारत आणि रशियादरम्यान संरक्षण, ऊर्जा क्षेत्रांत करार

#स्पर्धापरीक्षा - बलुचिस्तान

#स्पर्धापरीक्षा - प्रधानमंत्री पीक विमा योजना