Prajakt Tanpure: ईडी निकाल अन् निवडणुकीचा संबंध नाही: प्राजक्त तनपुरे, तांत्रिक कारणाने निकाल उशिरा, भाजपमध्ये मी जाणार नाही!

राहुरी: ईडीच्या केसमध्ये आर्थिक गुन्हे शाखेने एक वर्षापूर्वी ''क्लोजर रिपोर्ट'' न्यायालयात सादर केला होता. काही तांत्रिक बाबींमुळे निकाल यायला वेळ लागला. त्या ''क्लोजर रिपोर्ट''च्या आधारे ईडीला पुढील तपास करता येणार नाही, असा ईडी न्यायालयाने निकाल दिला आहे. त्याचा राहुरी विधानसभेच्या पोटनिवडणुकीशी दुरान्वयानेही संबंध नाही, असे राष्ट्रवादी शरदचंद्र पवार पक्षाचे नेते व माजी राज्यमंत्री प्राजक्त तनपुरे यांनी सांगितले.