Gram Panchayat Results : राम शिंदेंना अगोदर विधानसभेला, आता चौंडीतही रोहित पवारांकडून धोबीपछाड

जामखेड (अहमदनगर)  : चौंडी (ता.जामखेड) येथील निवडणुकीत आमदार रोहित पवारांच्या नेतृत्वाखालील जनसेवा पँनलने  माजी मंत्री राम शिंदेच्या पँनलचा दारुण पराभव केला आणि शिंदेच्या हातून ग्रामपंचायतीची सत्ताही काढून घेतली. चौंडी येथे झालेले परिवर्तन राम शिंदे करिता मोठा धक्का मानला जातोय.

हे ही वाचा : आदर्श गाव हिवरे बाजारमध्ये पोपट रावांची चलती, सर्व जागांवर मिळवला विजय

विधानसभा निवडणुकीनंतर आमदार रोहित पवारांनी कर्जत-जामखेडमधील एक-एक सत्तास्थाने शिंदेंच्या हातून काढून घेतले. दोन्ही तालुक्यातील बहुतांशी संस्थामध्ये सत्ता परिवर्तन झाले. ग्रामपंचायत निवडणुकीतही अनेक ठिकाणी सत्तांतर झाले. चौंडी ही राम शिंदेंची ग्रामपंचायत येथे त्यांचा पँनलचा दारुण पराभव झाला. त्यांच्या विरुद्ध जनसेवा पँनलचे सात उमेदवार निवडून आले.

हे ही वाचा : खर्डा येथे सत्तांतर, जामखेडमध्ये रोहित पवार झाले फॅक्टर

विजयी उमेदवार अनुक्रमे असे आशा सुनील उबाळे, कल्याण शिंदे, गणेश उबाळे, मालन शिंदे, रेणूका शिंदे, हनुमंत उदमले, सारीका सोनवणे, यांनी जनसेवा पँनलच्या माध्यमातून निवडणूक लढवली आणि विजय मिळविला. तर माजी मंत्री राम शिंदे यांच्या नेतृत्वाखालील पँनलला विलास जगदाळे व सुप्रिया जाधव या  दोन जागावर समाधान मानावे लागले. माजी मंत्री शिंदे यांच्या पँनलचा दारुण पराभव झाला.