मोताळा : पतीला चारचाकी गाडी घेण्यासाठी माहेरवरून पाच लाख रुपये आणण्याची मागणी करीत 25 वर्षीय विवाहितेचा शारीरिक व मानसिक छळ केल्याप्रकरणी आरोपी पती व सासू विरुद्ध बोराखेडी पोलिसांनी बुधवारी (ता.7) गुन्हा दाखल केला आहे. (Marital harassment for Rs 5 lakh, crime against husband and mother-in-law)
याबाबत अनिता सूरज कांबळे (वय 25 वर्ष, रा. शेलापूर खुर्द) या विवाहितेने बोराखेडी पोलिसांत तक्रार दिली की, तिचा विवाह सूरज दशरथ कांबळे यांच्यासोबत झाला आहे. लग्नानंतर पीडित विवाहिता पती व सासू सोबत बेलापूर नवी मुंबई येथे राहत होती. दरम्यान, पती सूरज दशरथ कांबळे (वय 33 वर्ष) व सासू मंदाबाई दशरथ कांबळे (वय 62 वर्ष, दोघे रा. पोलिस लाइन, बेलापूर नवी मुंबई) यांनी संगनमत करून पतीला चारचाकी गाडी घेण्यासाठी पीडित विवाहितेला माहेरवरून पाच लाख रुपये आणण्याची मागणी करीत तिचा शारीरिक व मानसिक छळ केला.
तू मोठ्याने बोलत नाही. तू तोतरी आहे, असे म्हणून मारहाण करीत त्रास दिला. तसेच शिवीगाळ करत जीवे मारण्याची धमकी दिली. सदर प्रकार 5 मार्च 2019 ते 8 जून 2019 या कालावधीत घडल्याचे तक्रारीत नमूद आहे. याप्रकरणी पीडित विवाहितेच्या तक्रारीवरून बोराखेडी पोलिसांनी आरोपी पती सूरज दशरथ कांबळे व मंदाबाई दशरथ कांबळे या दोघांविरुद्ध विविध कलमानुसार गुन्हा दाखल केला आहे. पुढील तपास पोलिस निरीक्षक माधवराव गरुड यांच्या मार्गदर्शनात पोहेकाँ प्रल्हाद वानखेडे व पोकाँ ज्ञानेश्वर धामोडे करीत आहेत.
Marital harassment for Rs 5 lakh, crime against husband and mother-in-law
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
