अहमदनगर : जिल्ह्यातील कोरोना रुग्ण संख्येमध्ये शनिवारी (ता. २२) दिवसभरात एक हजार ३५७ नवीन रुग्ण वाढले आहेत. शहरात सर्वाधिक ५०१ रुग्ण आढळले. जिल्हा शासकीय रुग्णालयाच्या प्रयोगशाळेत ६०९, खासगी रुग्णालयाच्या प्रयोगशाळेत ३७१ आणि अँटीजेन चाचणीत ३७७ रुग्ण आढळून आले. जिल्ह्यातील बाधितांची एकूण संख्या तीन लाख ७१ हजार ७८८ झाली आहे. सध्या आठ हजार ६२१ रुग्णांवर उपचार सुरू आहेत.

आरोग्य विभागाच्या पोर्टलवर मृत्यूमुखी पडणाऱ्यांची संख्या आता सात हजार १६८ झाली आहे.नगर तालुका दुसऱ्या क्रमांकावर असून, तेथे १४९ रुग्ण आढळले.राहाता तालुक्‍यात ९५ रुग्ण आढळून आले. तो तिसऱ्या क्रमांकावर आहे. श्रीरामपूर ९४, श्रीगोंदे ७९, संगमनेर ६२, पारनेर ५९, राहुरी ५०, कोपरगाव ४२, पाथर्डी ४०, अकोले ३८, शेवगाव २६, जामखेड २३, नेवासे व लष्करी रुग्णालय प्रत्येकी १९, कर्जत आणि भिंगार छावणी परिषद प्रत्येकी १६, बाहेरील जिल्ह्यातील २७ तर परराज्यातील दोन रुग्ण आढळून आले.