अहमदनगरच्या जिल्हा रुग्णालयात आज सकाळी घडेलेल्या एका घटननेनं सध्या संपुर्ण जिल्ह्यावर शोककळा पसरली आहे. या घटनेत आयसीयु विभागात लागलेल्या आगीत ११ रुग्णांचा मृत्यू झाला आहे. या गंभीर घटनेची दखल घेत केंद्रीय आरोग्य राज्यमंत्री भारती पवार या सध्या अहमदनगरमधील घटनास्थळी दाखल झाल्या आहेत. जिल्हा रुग्णालयात आग (Ahemadnagar Fire) लागल्याची धक्कादायक घटना घडली. रुग्णालयाच्या कोविड विभागातील आयसीयुमध्ये उपचार घेत असलेल्या ११ रुग्णांचा मृत्यू झाला असून अनेकजण गंभीर जखमी असल्यानं मृत्यूचा आकडा वाढण्याची शक्यता आहे.

या घटनेनं आज अहमदनगर जिल्ह्यात शोककळा पसरली. शॉर्टसर्किटमुळे ही आग लागल्याची अधिकृत माहिती समोर आली आहे. मुख्यमंत्री उद्धव ठाकरे यांनी या प्रकरणाच्या चौकशीचे आदेश दिले असून मृतांच्या कुटुंबीयांना एकुण ७ लाखांची मदत मिळणार आहे. भारती पवार यांनी घटनास्थळी भेट देऊन प्रकरणाची माहिती घेतली. या घटनेत जखमी झालेल्या रुग्णांची भेट घेतली. तसेच या प्रकरणावरून आपण केंद्रीय मंत्री मनसुख मांडविया यांच्याशी बातचीत केली असल्याचं त्यांनी यावेळी सांगितलं.