पारनेर - तालुक्यात पंतप्रधान, रमाई व शबरी आवास या विविध योजने अंतर्गत २०१७ ते २०२३ अखेर १५६६ घरकुलांना मंजुरी मिळाली होती. त्यापैकी १३५७ घरकुले पूर्ण झाली आहे. साधारणपणे सुमारे ८६.६५ टक्के घरकुलांची कामे पूर्ण झाली आहेत. घरकुलात पारनेर तालुका आघाडी घेतली आहे.

सरकारने प्रत्येकाला घर हवे या योजनेअंतर्गत विविध घरकुल योजना आणल्या आहेत. त्यात पंतप्रधान आवास, रमाई आवास व शबरी आवास या तीन योजनांमार्फत सरकार गरजूंना घरकुलासाठी अनुदान देत आहे. तालुक्यात गेल्या काही वर्षात मोठ्या प्रमाणावर ही योजना प्रभावी राबवून सुमारे १३५७ घरकुलांची बांधकामे पूर्ण करून त्याचे अनुदान संबंधित लाभार्थ्यांना देण्यात आले आहे. तालुक्यात उद्दिष्टापेक्षा अधिक कामे करण्यात पूर्ण झाली आहेत.

सर्व लाभार्थ्यांना प्रत्येकी एक लाख २० हजार रुपयांचे अनुदान देण्यात येत आहे. त्यात २४ हजार ५७० रुपये मजुरी तर १२ हजार रुपये शौचालयासाठी रकमेचा समावेश आहे. त्यासाठी लाभार्थ्याने किमान २७० स्केअरफूट आकाराचे घराचे बांधकाम करणे व त्यात शौचालय बांधणे बंधनकारक आहे. यातील रमाई आवास व शबरी आवास या दोनही योजना राज्य सरकारमार्फत राबविल्या जातात. त्याचे अनुदान संबंधित लाभार्थ्यांना राज्य सरकार देते. तर पंतप्रधान आवास योजना राज्य सरकार व केंद्र सरकारतर्फे संयुक्त रितीने राबविण्यात येत आहे. त्याचे अनुदानही राज्य व केंद्र सरकारकडून मिळते.

पारनेर तालुक्याने घरकुलाच्या कामात आघाडी घेतलेली आहे. तालुक्यासाठी १५६६ घरकुले मंजूर होती. त्यापैकी १३५७ घरकुलांचे काम पूर्ण झालेले आहे.

दयानंद पवार, गटविकास अधिकारी, पारनेर

तालुक्यातील गरजू लाभार्थ्यांची घरकुले मंजूर झाली आहेत. त्यांची घरकुले लवकरात लवकर पूर्ण करुन संबंधितांना आर्थिक लाभ मिळावा, यासाठी आम्ही सतत प्रयत्नशील असतो.

जयराम ठुबे, विस्तार अधिकारी, पंचायत समिती पारनेर.