अहमदनगर ः नगर अर्बन बॅंक बचाव समितीतर्फे सहकार पॅनलच्या विद्यमान आठ संचालकांच्या उमेदवारीवर हरकत घेतली होती. निवडणूक निर्णय अधिकाऱ्यांनी ही हरकत फेटाळली. त्यानंतर या निर्णयाविरुद्ध औरंगाबाद खंडपीठात याचिका दाखल केली होती. न्यायमूर्ती एस. जी. मेहेर यांनी ही याचिका फेटाळली आहे.
बॅंक बचाव कृती समितीतर्फे अजय बोरा, अनिल कोठारी, राजेंद्र अग्रवाल, शैलेश मुनोत, अशोक कटारिया, दिनेश कटारिया, दीपक गांधी व मनेश साठे यांच्या उमेदवारीला आक्षेप घेण्यात आला होता. त्यावर निवडणूक निर्णय अधिकाऱ्यांसमोर सुनावणी झाली. त्यामध्ये निवडणूक निर्णय अधिकाऱ्यांनी हरकत फेटाळली.
निवडणूक निर्णय अधिकाऱ्यांनी दिलेल्या निर्णयाविरोधात बॅंक बचाव कृती समितीतर्फे औरंगाबाद खंडपीठात याचिका दाखल केली होती. ही याचिका दाखल केल्यामुळे त्यावर काय निर्णय होतो, याकडे सर्वांचे लक्ष लागले होते. त्यावर सुनावणी होऊन न्यायालयाने निवडणूक निर्णय अधिकाऱ्यांनी दिलेला निर्णय कायम ठेवत याचिका फेटाळली आहे.
ही याचिका फेटाळल्यामुळे नगर अर्बन बॅंकेचे विद्यमान संचालक अजय बोरा, अनिल कोठारी, राजेंद्र अग्रवाल, शैलेश मुनोत, अशोक कटारिया, दिनेश कटारिया, दीपक गांधी व मनेश साठे आदींचा निवडणूक लढविण्याचा मार्ग मोकळा झाला आहे. या आठ उमेदवारांतर्फे ॲड. राहुल जामदार, ॲड. मझर जहागीरदार, ॲड. मयूर माळी यांनी काम पहिले.
"निवडणूक निर्णय अधिकाऱ्यांनी दिलेला आदेश औरंगाबाद खंडपीठाने कायम ठेवलेला आहे. याचिकाकर्त्यांचे अपिल फेटाळले आहे."
- दिग्विजय आहेर, जिल्हा उपनिबंधक, अहमदनगर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.