पारनेर : राज्यात सुमारे 10हजार हेक्टर क्षेत्रावर द्राक्ष लागवड आहे. व सुमारे 40हजार द्राक्ष बागायतदार आहेत.त्यामुळे सरकारने सुप्रमार्केट मधून वाईन विक्री चा घेतलेला निर्णय चांगला आहे. त्याला जेष्ठ समाजसेवक अण्णा हजारे यांनी विरोध करू नये अशी मागणी राज्य द्राक्ष बागायतदार संघटनेच्या वतीने निवेदन देऊन करण्यात आली.

या वेळी द्राक्ष बागायतदार संघटनेचे राज्याचे उपाध्यक्ष कैलास भोसले यांच्या नेतृत्वाखाली हजारे यांना निवेदन देण्यात आले.सरकारच्या वाईन विक्री विरोधात हजारे यांनी सोमवार (ता.14 ) पासून बेमुदत उपोषण करण्याचा इशारा राज्य सरकारला दिला होता . या पार्श्वभूमीवर राज्य द्राक्ष बागायतदार संघटनेने हजारे यांची भेट घेऊन सरकारच्या निर्णयाचे स्वागत केले.या वेळी भोसले पत्रकारांशी बोलताना म्हणाले राज्य सरकारने सुपर मार्केट व दुकानातून वाईन विक्रीच्या घेतलेल्या निर्णया चे राज्यातील द्राक्ष बागायतदार संघटनेच्या वतीने आम्ही स्वागत करतो . या निर्णयाचे राजकारण करून द्राक्ष उतपादक शेतकऱ्यांच्या जीवनाशी खेळू नये.वाईनला दारू म्हणून हीनऊ नये.आम्ही आमच्या समस्या हजारे यांना सांगितल्या आहेत आमच्या मताचा हजेरी आदर करतील अशी अपेक्षा आहे.

सरकार फळांच्या प्रोसेसिंग साठी अनुदान देते हा सुद्धा द्राक्षाचा रसच आहे.याची तुलना दारुशी करू नये. वाईन विक्रीचा निर्णय रद्द झाला तर द्राक्ष उत्पादकांना आत्महत्या करण्याशिवाय पर्याय राहणार नाही असेही भोसले म्हणाले