MP Sujay Vikhe about PM Modi: चार पैकी तीन राज्यात भाजपला स्पष्ट बहुमत मिळाले. पंतप्रधान नरेंद्र मोदींच्या नेतृत्वावर जनतेने पुन्हा एकदा शिक्कामोर्तब केले आहे. येत्या लोकसभा निवडणुकीत नरेंद्र मोदी पंतप्रधानपदाची हॅटट्रिक करतील, असा विश्वास खासदार डॉ. सुजय विखे यांनी व्यक्त केला. राजस्थान, मध्यप्रदेश व छत्तीसगढ विधानसभा निवडणुकीत भाजपने मिळविलेल्या निर्विवाद बहुमताचा जल्लोष सावेडीतील नगर विधानसभा प्रमुख महेंद्र गंधे यांच्या संपर्क कार्यालयात साजरा करण्यात आला.

ढोल, फटाके वाजवून व पेढे वाटून विजयोत्सव साजरा करण्यात आला. यावेळी खासदार डॉ. विखे, महेंद्र गंधे, ज्ञानेश्वर काळे, संगीता खरमाळे, बाबासाहेब सानप, तुषार पोटे, रेखा विधाते, संतोष गांधी, राजू मंगलारप, गोकुळ काळे, संजय ढोणे, प्रताप परदेशी, मनोज दुल्लम आदींसह मोठ्या संख्यने पदाधिकारी उपस्थित होते.

डॉ. विखे म्हणाले, की विरोधक अनेक दिवसांपासून पंतप्रधान नरेंद्र मोदींबद्दल वाईट बोलत होते. त्यांना जनतेच चोख उत्तर दिले आहे. आतातरी त्यांनी मीडियासमोर न येता जनतेत जाऊन झालेल्या चुका सुधाराव्यात, अन्यथा २०२४ साली होणान्या लोकसभा व विधानसभा निवडणुकीत महाविकास आघाडीचा सुपड़ा साफ झाल्याशिवाय राहणार नसल्याचे त्यांनी सांगितले.

महेंद्र गंधे म्हणाले, की जनतेचा विश्वास भाजपवरच आहे, हे सिद्ध झाले आहे. या विजयामुळे लोकसभा निवडणुकीची सेमी फायनल आम्ही जिंकली आहे. आता २०२४ साली होणारी फायनलही आम्हीच जिंकू व नगरमधून डॉ. सुजय विखे यांना पुन्हा खासदार करणार असल्याचे त्यांनी सांगितले. यावेळी कुसूम शेलार, अशोक जोशी, संपत नलावडे, अविनाश साखला, सचिन कुसळकर, नितीन जोशी, सुमित बटोळे उपस्थित होते. (Latest Marathi News)