राहुरी (अहमदनगर) : राहुरी येथे बुधवारी (ता. २६) दुपारी अडीच वाजताच्या दरम्यान कृषी विद्यापीठाच्या पेट्रोल पंपासमोर नगर- मनमाड महामार्गावर भरधाव चारचाकी वाहनाने दुचाकीला जोरदार धडक दिली. त्यात दुचाकीवरील सहाय्यक फौजदार जागीच ठार झाले आहेत.
त्यांचे चुलत बंधू गंभीर जखमी झाले. वसंत दत्तात्रेय टकले (वय 56, रा. भानगाव, ता. श्रीगोंदा) असे मृताचे नाव आहे. ते सहाय्यक फौजदार पदावर राज्य राखीव दलाच्या ग्रुप नं. पाच मध्ये दौंड येथे कार्यरत होते. त्यांचे चुलत बंधू भाऊसाहेब सोन्याबापु टकले गंभीर जखमी झाले.
कृषी विद्यापीठ येथे बियाणे खरेदीसाठी टकले बंधू दुचाकीवर चालले होते. कृषी विद्यापीठाच्या पेट्रोल पंपासमोर नगर- मनमाड महामार्गावर भरधाव वेगाने चाललेल्या पिकअप या चारचाकी वाहनाने जोराची धडक दिली. त्यात, सहाय्यक फौजदार वसंत टकले जागीच ठार झाले. गंभीर जखमी भाऊसाहेब टकले यांना राहुरी येथे खासगी रुग्णालयात उपचारासाठी हलविण्यात आले आहे.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.