अहमदनगर : दिल्लीत सुरू असलेल्या शेतकरी आंदोलनाला पाठिंबा देण्यासाठी शुक्रवारी (ता. 26) भारत बंदची हाक देण्यात आली आहे. नगर जिल्हा शेतकरी कामगार संयुक्त समिती व जन आंदोलन संघर्ष समिती या बंदमध्ये सहभागी होणार आहे.

'मुळा' च्या आवर्तनाने बंधा-याला बाळसे; जलदिनानिमित्त शेतक-यांना मोठं गिफ्ट
 
हमालपंचायतीत झालेल्या बैठकीत हा निर्णय घेण्यात आला. तसेच मंगळवारी (ता.23) शहीद दिनी हुतात्म्यांना अभिवादन करुन केंद्र सरकारचा निषेध नोंदविण्यात येणार आहे. रविवारी (ता.28) होळीनिमित्त शेतकरी, कामगार विरोधी, वीज विधेयकाची होळी करण्यात येणार असल्याचे भारतीय कम्युनिस्ट पक्षाचे राज्य सहसचिव ऍड. सुभाष लांडे यांनी सांगितले.
 
भारतीय महिला फेडरेशन अध्यक्षा स्मिता पानसरे, हमाल पंचायतचे अध्यक्ष अविनाश घुले, ऍड. सुभाष लांडे, किसान सभेचे राष्ट्रीय कौन्सिल सदस्य ऍड. बन्सी सातपुते, महेबूब सय्यद, आयटकचे ऍड. सुधीर टोकेकर, ऑल इंडिया युथ फेडरेशनचे रामदास वागस्कर, कामगार संघटना महासंघाचे बहिरनाथ वाकळे आदी उपस्थित होते.