श्रीरामपूर (अहमदनगर) : येथील एका बॅक ग्राहक सेवा केंद्र चालकास चितळी- धनगरवाडी रस्ता परिसरातील रेल्वे भुयारी पुलाखाली तीन चोरट्यांनी लुटल्याचा प्रकार घडला आहे. याप्रकरणी संजय साखरे (वय 30. रा. धनगरवाडी) यांनी दिलेल्या फिर्यादिवरुन तालुका पोलिस ठाण्यात गुन्हा दाखल झाला आहे.
गुरुवारी साडेतीन वाजेच्या सुमारास साखरे येथून आपल्या दुचाकीवर धनगरवाडीकडे जात असताना चितळी-धनगरवाडी रस्त्यावरील रेल्वे भुयारी पुलाखाली दुचाकीवर आलेल्या तीन अज्ञात चोरट्यांनी अडवणुक करुन सुमारे 35 हजार रुपयांसह एक मोबाईल फोन लुटला. यावेळी साखरे यांनी आरडाओरडा केला. परंतू तोपर्यंत चोरटे पसार झाल्याचे त्यांनी सांगितले.
दरम्यान, धनगरवाडी परिसरातील कैलास राशिनकर यांच्या सोयाबीन पिकांच्या पट्टीची 36 हजार रुपये अज्ञात चोरट्यांनी घडफोडी घरातील डब्यातील पैसे आणि सोन्याचे दागिणे चोरले होते. याप्रकरणी राशिकर यांनी दिलेल्या फिर्यादिवरुन तालुका पोलिस ठाण्यात अज्ञात चोरट्यांविरुद्ध गुन्हा दाखल झाला होता. तालुका पोलिस पथक पसार चोरट्यांचा शोध घेत असताना पोलिसांनी बनावट क्रमांकाची रिक्षा शोधली आहे. त्यानुसार पोलिस पसार चोरट्यांचा शोध घेत आहे. त्यात आज घडलेल्या रस्ता लुटीच्या प्रकारामुळे परिसरात भितीचे वातावरण पसरले आहे.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.