नगर ः कोरोना बाधितांच्या संख्येत काही दिवसांपासून खंड पडत नसल्याने नगर कोरोनाच्या कैदेत सापडले आहे. दिवसेंदिवस प्रशासनाची डोकेदुखी वाढत चालली आहे. शहरासह जिल्ह्यातील आकडा वाढत असल्याने जिल्हावासियांच्या चिंतेत भर पडली. आज आणखी सहा जणांना कोरोनाची बाधा झाल्याचे स्पष्ट झाले आहे. त्यात संगमनेर तीन, पारनेर दोन, नगर शहरातील एका व्यक्तीचा समावेश आहे. त्यामुळे कोरोना बाधितांचा संख्या 282 वर पोचली आहे. आज आणखी चार जणांनी कोरोनावर मात मिळवल्याने कोरोनामुक्त झालेल्यांची संख्या आता 237 झाली. 

अवश्‍य वाचा ः भूसंपादनाचे बिऱ्हाड भाडे थकल्याने बाहेर 

आज प्राप्त झालेल्या अहवालानुसार नाईकवाडपुरा (संगमनेर शहर) या हॉटस्पॉट क्षेत्रात आज 59 वर्षीय व्यक्ती, घुलेवाडी येथील 48 वर्षीय पुरुष, जोर्वे येथील 45 वर्षीय पुरुषाला आजाराची लक्षणे जाणवल्याने त्यांना रुग्णालयात भरती केले असता, कोरोनाची बाधा झाल्याचे स्पष्ट झाले. याशिवाय भाळवणी (पारनेर) येथील एकाच कुटुंबातील दोन मुलींना कोरोनाचा संसर्ग झाला. या मुली यापूर्वीच्या बाधित झालेल्या व्यक्तीच्या संपर्कातील आहे. मूळचा झारखंड येथील असलेला सारसनगर (नगर शहर) येथे राहणाऱ्या 58 वर्षीय व्यक्तिलाही कोरोनाची बाधा झाली. कर्करोगावरील उपचारासाठी मुंबई येथे प्रवास करून तो आला होता. 

हेही वाचा ः थकीत कर्जापोटी "या' साखर कारखान्यावर कायदेशीर कारवाई 

आणखी चार जणांना डिस्चार्ज 
 अहमदनगर जिल्ह्यातील चार रुग्णांनी कोरोनावर मात मिळवली. त्यात संगमनेर दोन, नगर शहरातील सारसनगर, बोल्हेगाव येथील एकाचा समावेश आहे. आरोग्य कर्मचाऱ्यांनी त्यांचे स्वागत करून त्यांना निरोप दिला. त्यांना बूथ हॉस्पिटलमधून डिस्चार्ज देण्यात आला. त्यामुळे कोरोनामुक्त झालेल्यांची संख्या 237 झाली आहे.