राहुरी, : तालुक्यातील डिग्रस येथे (शुक्रवारी) मध्यरात्री मुळा नदीपात्रात बेकायदेशीरपणे वाळू उपसा करणारा डंपर चार ब्रास वाळूसह पोलिसांनी जप्त केला.
पोलिसांना पाहताच डंपर चालक व वाळू उपसा करणारे मजूर पळून गेले. सहा लाख सोळा हजारांचा मुद्देमाल पोलिसांनी ताब्यात घेतला. या प्रकरणी राहुरी पोलीस ठाण्यात दोघांविरोधात गुन्हा दाखल करण्यात आला.
डंपर मालक अजित शिवाजी जगताप (रा. एमआयडीसी, नगर) व अज्ञात चालकाविरोधात गुन्हा दाखल झाला आहे. दोघेही पसार आहेत. काल मध्यरात्री एक वाजता राहुरी पोलिसांनी डिग्रस येथे मुळा नदीपात्रात छापा टाकला. यावेळी डंपर (एम. एच. 17 ए. जी. 9303) मध्ये चोरून वाळू भरली जात होती.
पोलिसांना पाहताच वाळू चोर पसार झाले. सहा लाखांचा डंपर व त्यातील सोळा हजार रुपयांची चार ब्रास वाळू असा मुद्देमाल पोलिसांनी ताब्यात घेतला. पोलिस कर्मचारी आजिनाथ पाखरे यांच्या फिर्यादीवरून, राहुरी पोलीस ठाण्यात गुन्हा दाखल करण्यात आला.अहमदनगर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.