नगर : कोरोनाच्या पार्श्‍वभूमीवर जिल्ह्यात पाच पेक्षा अधिक लोकांना गर्दी करण्यास मनाई आहे. मात्र, काही लोकांनी जिल्हाधिकाऱ्यांच्या आदेशाला केराची टोपली दाखवित सार्वजनिक ठिकाणी गर्दी करून वाढदिवस साजरा केला. याप्रकरणी तोफखाना पोलिस ठाण्यात 35 जणांविरुद्ध गुन्हा दाखल झाला आहे.
विनायकराज प्रतिष्ठानचे अध्यक्ष विनय वाखुरे, अजय रासकर, संदीप चौधरी, महेश थोरात, मयूर कुलकर्णी, निखील मोयल यांच्यासह 35 जणांविरुद्ध तोफखाना पोलिस ठाण्यात गुन्हा दाखल करण्यात आला आहे. भारतीय जनता पक्षाचे कार्यकर्ते विनय वाखुरे यांच्या वाढदिवसानिमित्त शहरातील प्रोफेसर कॉलनी चौकातील एका दुकानासमोर गर्दी करून वाढदिवस साजरा करण्यात आला. सोशल डिस्टसिंगच्या नियमाचे कोणीही पालन केले नाही. अनेकांच्या तोंडाला मास्क लावलेले नव्हते. विनय वाखुरे यांनी वाढदिवसाच्या कार्यक्रमासाठी कुठलीही परवानगी घेतली नव्हती, असे पोलिस कर्मचारी अजय गव्हाणे यांनी फिर्यादी म्हटले आहे.
दरम्यान, आमदार संग्राम जगताप यांच्यावरही वाढदिवसाच्या दिवशी गर्दी जमविल्याचा आणि तोंडाला मास्क न लावल्याचा गुन्हा दाखल झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.