श्रीरामपूर ः येथील बाजार समितीच्या टाकळीभान उपबाजारातील 50 टन क्षमतेच्या वजनकाट्यात तफावत अाली. तशी तक्रार एका शेतकर्यांने काल केली. त्यानंतर वजनमापे नोंदणी विभाग व सहाय्यक निबंधक यांनी भेट देवुन काटाची तपासणी केली.
खिर्डी येथील सेवा संस्थेचे अध्यक्ष शनैश्वर पवार यांनी काल सोयाबीन ट्रॅक्टरमध्ये टाकळीभान उपबाजारात विक्रिसाठी आणले होते. बाजार समितीच्या 50 टनी वजनकाट्यावर ते 1 टन 670 किलो भरले. त्यावेळी पवार त्यांना वजन कमी भरल्याची शंका व्यक्त आली.
त्यांनी सदर सोयाबीन व्यापाऱ्याच्या वजन काट्यावर मोजले तेव्हा 1 टन 908 किलो वजन भरले. त्यामुळे बाजार समिती व व्यापार्यांच्या वजन काट्यात 238 किलोची तफावत आढळुन आल्याचे समोर आले.
सदर प्रकारामुळे परिसरात मोठा खळबळ उडाल्याने काल रात्री वजनमापे नोंदणी विभागाने बाजार समितीचा भूईकाटा व आडते व्यापार्यांचा वजन काटा तपासणी केली.
आज सहाय्यक निबंधक विजयसिंह लकवाल यांनी भेट देवुन माहिती घेतली. त्यांनीही काटा प्रकरणाला क्लिनचिट दिली आहे. बाजार समितीच्या काट्यावर सदर शेतकर्यांचे सोयाबीन 238 किलो कमी भरल्याची तफावत शोधण्यात संबधित विभागाला अपयश आल्याने शेतकरी वर्गातून संताप व्यक्त केला जात आहे.
संपादन -अशोक निंबाळकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.