पाथर्डी : घरकाम करणाऱ्या महिलेने मालकाच्या घरातील साडेचार तोळे सोन्याचे दागिने लंपास केले मात्र पोलिसांनी आपल्या खाक्या दाखवताच काही तासातच या महिलेने चोरून नेलेले सोने परत आणून दिले.

लंका संतोष शिरसाठ असे या मोलकरणीचे नाव आहे. शिरसाठ ही तालुक्यातील हनुमान टाकळी येथील सेवानिवृत्त महिला अधिकारी सुभद्रा नवनाथ बर्डे यांच्या घरी कामाला होती. बर्डे यांनी त्यांचे वापरातील सोन्याचे दोन लाख सत्तर हजार रुपये किमतीचे दागिने घराच्या कपाटात ठेवले होते.

हे दागिने चोरीस गेल्याचे लक्षात आल्यानंतर बर्डे यांनी शिरसाठ हिच्याकडे विचारपूस केली असता तिने उडवा उडवीची उत्तरे दिली. त्यानंतर बर्डे यांनी पोलीस स्टेशनला तक्रार दिली. या तक्रारीनंतर पोलिसांनी शिरसाठ हिला ताब्यात घेत पोलिसी खाक्या दाखवताच तिने चोरी केल्याची कबुली देत जमिनीत पुरून ठेवलेले दागिने काढून दिले.

या कारवाईत पोलिस नाईक अनिल बडे,अमोल कर्डीले,एकनाथ बुधवंत,राजेंद्र बडे,मनिषा धाने,मनिषा वारे यांनी सहभाग घेतला.