नगर : जिल्हा परिषदेने चार मजली अद्ययावत इमारत उभारली. मात्र, वीज खंडित झाल्यास अनेक विभागांत अंधार पसरतो. दैनंदिन कामात अडथळे येतात. अभ्यागतांना वीजपुरवठा सुरळीत होईपर्यंत थांबावे लागते. जिल्हा परिषदेचे कामच ठप्प होत असल्याने नाराजी व्यक्त होत आहे.
जिल्हा परिषदेने अद्ययावत चार मजली इमारतीत सर्वच विभाग स्थलांतरित केले आहेत. काही विभागांत इन्व्हर्टरची सोय असली, तरी ती अधिकारी- पदाधिकाऱ्यांच्याच दालनांपुरती मर्यादित आहे. कर्मचाऱ्यांना विजेची वाट पाहत बसावे लागते. वीजपुरवठा खंडित झाल्यानंतर सर्वच यंत्रणा बंद पडते. जिल्हा परिषदेत जनित्राची सुविधा असली, तरी सभागृहात कार्यक्रम असेल तरच ते सुरू केले जाते. इतर वेळी वीज खंडित झाल्यास ते बंदच असते. त्यामुळे जिल्हा परिषदेच्या कामकाजावर परिणाम होत आहे.
जिल्हा परिषदेकडून डिझेलची बचत करण्याचा प्रयत्न केला जात असल्यामुळे, वीज खंडित झाल्यानंतर अंधार पसरतो. त्याचा मनस्ताप अभ्यागतांना सहन करावा लागतो. जिल्हा परिषद सदस्यांनीही याबाबत नाराजी व्यक्त केली आहे.
जिल्हा परिषदेच्या सभागृहात कार्यक्रम, सभा असल्यास जनित्र सुरू केले जाते. एरवी मात्र त्याचा वापर केला जात नाही.
- वासुदेव सोळंके, उपमुख्य कार्यकारी अधिकारी, सामान्य प्रशासन
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.