कर्जत : कुत्र्या-मांजराची दुश्‍मनी पारंपरिक. मात्र, आईविना पोरक्‍या झालेल्या मांजराच्या पिलाला चक्क एका कुत्रीने सहारा दिला. स्वत:चे दूध पाजून मांजराचे पालनपोषण केले. या कुत्रीला मांजराचा चांगलाच लळा लागल्याचे दिसते. 

कर्जत शहरातील अनोख्या मातृत्वाची ही कहाणी. हॉटेल व्यावसायिक छोटू राऊत यांचे शहरालगत छोटे हॉटेल आहे. काही दिवसांपूर्वी तेथे कुत्री आणि मांजर एकाच प्रसूत झाले. त्यात मांजरीला सहा, तर कुत्रीला पाच पिले झाली. मात्र, दुर्दैवाने मांजरीसह तिच्या पाच पिलांचा मृत्यू झाला. त्यातून मांजरीचे एकच पिलू जगले. आईविना त्याचे पालन-पोषण करणे अवघड होते. मात्र, व्यावसायिक राऊत यांनी या पिलाला एके दिवशी कुत्रीचे दूध पाजले.

कुत्रीमधील मातृत्व जागे झाले. तिने स्वत:च्या पिलांसह मांजराच्या पिलालाही दूध पाजून मोठे केले. आजही मांजरीचे हे पिलू कुत्रीलाच पिते. एरवी कुत्र्या-मांजराचे वैर पहायला मिळते. मांजर दिसले की कुत्रे त्याच्या अंगावर धावून जाते. हे वैर कुत्रीच्या मातृत्वापुढे येथे ठेंगणे झाल्याचे दिसत आहे. खरे तर माणसामाणसातील शत्रुत्व संपवण्यासाठीचा संदेश तर नाही नाही....अहमदनगर