अकोले (अहमदनगर) : कोरोनामुळे साम्रद (ता. अकोले) येथील ग्रामस्थांनी बैठक घेऊन पाच दिवस पर्यटकांना बंदी घातली आहे. पर्यटक, निसर्गप्रेमींनी सांदण दरी परिसरात फिरकू नये, असे आवाहन सरपंच चंद्रप्रभा बांडे यांनी केले आहे. 

उषःकाल होता होता कोरोनाची काळी रात्र आली; महापालिकेची दोन कोविड सेंटर सुरू

कोरोनाचा प्रादुर्भाव होऊ नये, यासाठी ग्रामस्थांनी एकत्र येत हा निर्णय घेतला. सांदण दरी पाहण्यासाठी मोठ्या संख्येने राज्यातील पर्यटक साम्रदला येतात. या परिसरात कोरोनाचा प्रादुर्भाव होऊ नये, यासाठी पाच ते नऊ मार्च या कालावधीत पर्यटकांना बंदी घालण्यात आली आहे. सरपंच चंद्रप्रभा बांडे, उपसरपंच त्रिंबक बांडे, तसेच ग्रामपंचायत सदस्यांनी बैठक घेऊन हा निर्णय घेतला. सदस्य कोकिळा बांडे, योगिता बांडे, लालू भांगरे, एकनाथ बांडे, सुनंदा बांडे उपस्थित होते. गावाच्या शिवेवर बंदीचा फलक लावण्यात आला. नियम मोडणाऱ्यांवर कारवाई करण्यात येईल, असे सरपंच चंद्रप्रभा बांडे यांनी सांगितले.