नगर तालुका ः शिवाजी कर्डिले आता माजी आमदार झाल्याने, त्यांचे नगर तालुक्यात काहीच अस्तित्व राहिलेले नाही, असा टोला नगर तालुका महाविकास आघाडीचे नेते, शिवसेनेचे जिल्हाप्रमुख प्रा. शशिकांत गाडे यांनी लगावला.
नगर तालुक्यातील 59 ग्रामपंचायतींच्या निवडणुका होत असून, त्या पार्श्वभूमीवर महाविकास आघाडीतर्फे आयोजित मेळाव्यात गाडे बोलत होते. जिल्हा परिषदेचे उपाध्यक्ष प्रताप शेळके, जिल्हाध्यक्ष आशा निंबाळकर, शिवसेना तालुकाप्रमुख राजेंद्र भगत, राष्ट्रवादीचे तालुकाध्यक्ष उद्धव दुसुंगे, कॉंग्रेसचे संपत म्हस्के, जिल्हा परिषद सदस्य संदेश कार्ले, बाळासाहेब हराळ, गोविंद मोकाटे, इंजिनिअर प्रवीण कोकाटे, उपसभापती रवींद्र भापकर, रोहिदास कर्डिले आदी उपस्थित होते.
संदेश कार्ले म्हणाले, की ग्रामपंचायतीनंतर सेवा सोसायट्या, बाजार समिती व जिल्हा बॅंकेची निवडणूक होत आहे. बाजार समितीच्या गत निवडणुकीत महाविकास आघाडीने सत्ताधाऱ्यांना चांगलाच घाम फोडला होता.
महाविकास आघाडीची संधी थोडक्यात हुकली. मात्र, आता ते माजी आमदार झाल्याने, तालुक्यातील जनता त्यांना स्वीकारणार नाही. जिल्हा बॅंक व बाजार समिती जिंकण्यासाठी ग्रामपंचायतींवर महाविकास आघाडीचा झेंडा फडकावा लागेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.