राहुरी : राहुरी खुर्द येथे नगर-मनमाड रस्त्याकडेला असलेल्या न्यू भरत हॉटेलमध्ये सुरु असलेल्या वेश्या व्यवसायावर छापा टाकून हॉटेल चालकाला पोलिसांनी ताब्यात घेतले. परप्रांतीय एका बंगाली तरुणीची पोलिसांनी सुटका केली.
सय्यद फरहाद इर्शाद अहमद (वय 32, रा. पाण्याच्या टाकी जवळ, राहुरी) असे अटक केलेल्या हॉटेल चालकाचे नाव आहे.
राहुरी खुर्द येथे न्यू भरत हॉटेलमध्ये अनेक दिवसापासून राजरोसपणे वेश्या व्यवसाय सुरू होता. त्याची गोपनीय खबर मिळाल्यावर आज (गुरुवारी) दुपारी अडीच ते तीनच्या दरम्यान श्रीरामपूर येथील परिविक्षाधीन आयपीएस अधिकारी आयुष नोपानी, अभिनव त्यागी व उप अधिक्षक संदिप मिटके यांनी कारवाई केली.
पोलिस नाईक रंगनाथ ताके, गणेश फाटक, चालक लक्ष्मण बोडखे, राजेंद्र आरोळे, सुरेश औटी, अशोक कुदळे, महिला पोलिस हवालदार नूतन काळखेर यांच्या पथकाने कारवाईत भाग घेतला.
आज दुपारी पोलिसांनी हॉटेल भोवती सापळा रचला. दोन जणांना ग्राहक बनवून हॉटेलमध्ये पाठवण्यात आले. वेश्याव्यवसाय चालू असल्याची खात्री झाल्यावर पोलीस अधिकारी व पथकाने छापा टाकला. राहुरी पोलीस ठाण्यात रात्री उशिरापर्यंत आरोपीविरुद्ध गुन्हा दाखल करण्याचे काम सुरू होते. परप्रांतीय एका बंगाली तरुणीला पोलिसांनी ताब्यात घेऊन, तिची सुटका केली.
अहमदनगर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.