शेवगाव - शेतामध्ये काम करीत असताना लोखंडी औजारात वीजप्रवाह उतरून विजेच्या धक्क्याने पती-पत्नी जागीच ठार झाले. ही घटना आज (शनिवारी) दुपारी एकच्या सुमारास शेवगाव शहरानजीक खुंटेफळ रस्त्यावरील कांबळे वस्तीवर घडली. जालिंदर एकनाथ कांबळे (वय 31) नीता जालिंदर कांबळे (वय 27) अशी मृतांची नावे आहेत.
शेवगाव शहरानजीक खुंटेफळ रस्त्यावरील कांबळे वस्तीवरील जालिंदर व नीता कांबळे हे कपाशीच्या पिकामध्ये लोखंडी औजाराने मशागत करीत होते. त्यावेळी बांधाशेजारून जमिनीमध्ये पुरलेली विजेची केबल त्यांच्या लोखंडी औजारामध्ये गुंडाळली गेली. त्यामुळे औजारात वीजप्रवाह उतरला. त्यामुळे जालिंदर जागीच कोसळले. पती अचानक पडलेले दिसल्याने नीता कांबळे त्यांना उठवण्यासाठी गेल्या असता त्यांनाही विजेचा जोरदार धक्का बसला. त्यात ते दोघेही जागीच ठार झाले. त्यांच्या लहान मुलीने हा प्रकार पाहून घरच्यांना सांगितले.
परिसरातील शेतक-यांनी व नातेवाइकांनी त्यांना शेवगाव येथील ग्रामीण रुग्णालयात उपचारासाठी आणले. मात्र, डॉक्टरांनी त्यांना मृत घोषित केले. कांबळे यांच्यामागे आई-वडील, भाऊ, एक वर्षाचा मुलगा, चार वर्षांची मुलगी असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.