नगर ः जिल्ह्यात काल दिवसभरात 362 कोरोनाबाधित आढळले. जानेवारीपासून प्रथमच एका दिवशी एवढे रुग्ण सापडले आहेत. त्यात शहरात सर्वाधिक 152 रुग्ण आढळले. जिल्ह्यातील बाधितांची संख्या 77 हजार 799 झाली.

सध्या 1637 रुग्णांवर उपचार सुरू असल्याची माहिती जिल्हा रुग्णालयाचे निवासी वैद्यकीय अधिकारी डॉ. बापूसाहेब गाढे यांनी दिली. 

जिल्हा रुग्णालयात 178, खासगी प्रयोगशाळेत 156, तर अँटिजेन चाचणीत 28 रुग्ण आढळून आले. श्रीरामपूर तालुका रुग्णसंख्येत दुसऱ्या क्रमांकावर आला. श्रीरामपूरला 31, संगमनेर 29, राहाता 27, नगर तालुका 18, श्रीगोंदे 15, पारनेर 13, कोपरगाव 14, नेवासे 11, पाथर्डी व शेवगाव प्रत्येकी 10, जामखेड 7, भिंगार 6, राहुरी 5, अकोले 4, तर अन्य जिल्ह्यांतील 5 रुग्ण आढळून आले. मृतांची संख्या 1154 झाली आहे. दरम्यान, आज 166 रुग्णांना घरी सोडण्यात आले. त्यामुळे कोरोनामुक्त रुग्णांची संख्या 75 हजार 8 झाली आहे.