नेवासे : केंद्र सरकारचे कामगार व कृषी कायदे हे मूठभर उद्योगपतींना तारणारे तर कामगार व शेतकऱ्यांना उध्वस्त करणारे असल्याचा आरोप ज्येष्ठ कामगार नेते बाबा आरगडे यांनी करत केंद्र सरकारने हे लोकशाही विरोधी कायदे त्वरित रद्द करावे अशी मागणी केली.
केंद्र सरकारच्या कामगार आणि कृषी कायद्यांविरोधात गुरुवारी (ता. 26) रोजी भेंडे (ता. नेवासे) येथे अखिल भारतीय किसान सभेच्या वतीने ज्येष्ठ कामगार नेते बाबा आरगडे, ऍड. बन्सी सातपुते, युवा नेते शरद आरगडे, आप्पासाहेब वाबळे यांच्या नेतृत्वाखाली रास्तारोको आंदोलन करण्यात असले. त्याप्रसंगी आरगडे बोलत होते.
भेंडे येथील बसथांब परिसरात नेवासे-शेवगाव महामार्गावर तब्बल तासभर रास्तारोको करण्यात केला. यावेळी आंदोलकांनी केंद्र सरकारच्या कृषी, पणन आणि कामगार विधेयकाचा निषेधाच्या घोषणा दिल्या. आंदोलकांचे नायब तहसीलदार राजेंद्र गायकवाड, व पोलीस उपनिरीक्षक प्रविण शेवाळे यांनी निवेदन स्वीकारले.
आंदोलनात हमालांचा सहभाग
आजच्या देशव्यापी संपात नेवासे तालुक्यातील बाजार समित्यांचे सर्व हमाल सहभागी झाले होते. यावेळी हमाल संघटनेच्या वतीने मार्केट कमिट्या बरखास्त करणाऱ्या कायद्याची अमलबजावणी करण्यात येऊ नये. माथाडी कामगार कायद्याची अमलबजावणी करावी आदी मागण्यांचे निवेदन नायब तहसीलदार राजेंद्र गायकवाड यांना देण्यात आले.
संपादन - अशोक निंबाळकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.