शिर्डी ः देशातील भूमिहिनांना पाच एकर जमीन देण्याचा निर्णय दिल्लीतील बैठकीत घेण्यात आला. सरकारची देशात 20 कोटी एकर जमीन मोकळी आहे. त्यातून चार कोटी कुटुंबांना लाभ मिळेल. रिपब्लिकन पक्षातर्फे 25 फेब्रुवारीला देशभर भूमिमुक्ती आंदोलन करणार असल्याचे केंद्रीय सामाजिक न्याय राज्यमंत्री रामदास आठवले यांनी जाहीर केले. 

पत्रकारांशी बोलताना मंत्री आठवले म्हणाले, की देशात 1957 नंतर "कसेल त्याची जमीन' हा कायदा झाला. मात्र, ज्यांना जमीनच नाही, त्यांचे काय? आचार्य विनोबा भावे यांनी भूदान चळवळ सुरू केली होती. त्यावेळी देशात लाखो एकर जमीन मोकळी झाली होती. मात्र, ती जमीन कोणाला वाटप केली, याची चौकशी करण्याची आमची मागणी आहे.

हेही वाचा - ठाकरेंसारखा सरळमार्गी मुख्यमंत्री मिळणे, हे भाग्यच

राज्यातील महाविकास आघाडी सरकारची प्रतिमा दिवसेंदिवस खराब होत आहे. पुण्यातील तरुणीच्या आत्महत्या प्रकरणाचा तपास निःपक्ष व्हावा, असे ते म्हणाले. 

राष्ट्रीय उपाध्यक्ष काकासाहेब खंबाळकर, संपर्कप्रमुख श्रीकांत भालेराव, दीपक गायकवाड, श्रावण वाघमारे, कैलास शेजवळ, सुरेंद्र थोरात, सुनील साळवे, रमेश गायकवाड आदी उपस्थित होते. 

संपादन - अशोक निंबाळकर